چین کی پاکستان میں1.5ارب ڈالر کی براہ راست سرمایہ کاری خوش آئند ہے،شہباز اسلم

منگل جون 19:47

چین کی پاکستان میں1.5ارب ڈالر کی براہ راست سرمایہ کاری خوش آئند ہے،شہباز ..
لاہور۔26 جون(اُردو پوائنٹ اخبارتازہ ترین۔ 26 جون2018ء) تاجر رہنما و ممبر لاہور چیمبرز آف کامرس وانڈسٹری شہباز اسلم نے چین کی پاکستان میں1.

(جاری ہے)

5ارب ڈالر کی براہ راست سرمایہ کاری کو خوش آئندقرار دیتے ہوئے کہا ہے کہ چینی سرمایہ کاروں اور کمپنیوں کے پاس وسیع تجربہ جبکہ پاکستان کے پاس وافر افرادی قوت موجود ہے، دونوں ملکوں کے اشتراک سے ملک معاشی ترقی کرے گا،ان خیالات کا اظہار انہوںنے فائونڈ ر چیئرمین عدنان بٹ،ارشد بیگ،تنویر احمد،حقیق احمد،شاہد بیگ اور دیگر صنعتکاروں کے وفد سے گفتگو کرتے ہوئے کیا،شہباز اسلم نے کہا کہ چین کا کاروباری طبقہ بھی پاکستان میں سرمایہ کاری کرنا چاہتا ہے ،،چین کے تاجروں اور صنعتکاروں نے پاکستان میں زیادہ سے زیادہ سرمایہ کاری شروع کردی ہے ،چینی سرمایہ کار سیمنٹ ،فولاد ،توانائی ، ٹیکسٹائل سیکٹر ،رئیل اسٹیٹ جیسے اہم شعبوں کے ساتھ ساتھ دیگر شعبوں میں بھی سرمایہ کاری کے خواہاں ہیں، یہ شعبے پاکستانی معیشت میں اہم ترین حصہ ہیں،چینی سرمایہ کاروں کی جانب سے پاکستان اسٹاک مارکیٹ کے حصص اور کے الیکٹرک کی خریداری اس کی مثال ہے، انہوں نے کہا کہ اقتصادی راہداری منصوبہ دونوں ممالک کو ایک پلیٹ فارم پر لے آیا ہے جوخوشحالی کی طرف جاتا ہے،انہوںنے کہا کہ چینی کمپنیوں کی سرمایہ کاری میں اضافہ سے ملک میں نئی انڈسٹریز کا قیام عمل میں آئے گا او رملکی برآمدات میں اضافہ سے زرمبادلہ کے ذخائر بھی بڑھیں گے اور ملک خوشحالی و ترقی کی راہوں پر گامزن ہوگا۔