میانی صاحب قبرستان میں ابتک271 غیر قانونی احاطوں کو مسمار کر دیا گیا ہے،ڈپٹی کمشنر

منگل 26 جون 2018 20:55

لاہور۔26 جون(اُردو پوائنٹ اخبارتازہ ترین - اے پی پی۔ 26 جون2018ء) ضلعی انتظامیہ لاہور کی طرف سے میانی صاحب قبرستان میں غیر قانونی احاطوں کو بھاری مشینری کے ساتھ مسمار کرنے کا سلسلہ جاری، آپریشن کے دوران اب تک میانی صاحب قبرستان میں 271 احاطوں کو مسمار کردیا گیا ،ڈی سی لاہور کیپٹن (ر) انوارالحق نے کہا ہے کہ اے سی سٹی عبداللہ خرم نیازی صبح سے لیکر شام تک خود موقع پر میانی صاحب قبرستان میں آپریشن کی نگرانی کر رہے ہیں۔

(جاری ہے)

ڈی سی لاہور نے بتایا کہ اب تک 60فیصد آپریشن مکمل کیا جا چکا ہے اور271احاطوں کو قبرستان سے مسمار کردیا گیا ہے۔انہوں نے کہا کہ مسمار کئے گئے احاطوں کے ملبہ کوآپریشن کے ساتھ ہی اٹھایا جارہا ہے اور سپیشل ٹیمیں ملبہ کو قبرستان سے ہٹا رہی ہیں۔ڈی سی لاہور کیپٹن (ر) انوارالحق نے کہا کہ قبرستا ن میں موجود ایک بھی غیر قانونی احاطہ کی مسماری تک بلا امتیاز آپریشن جاری رہے گا۔

Facebook Twitter Google + Share on Whatsapp

میانی صاحب قبرستان میں ابتک271 غیر قانونی احاطوں کو مسمار کر دیا گیا ہے،ڈپٹی کمشنر

متعلقہ عنوان :

مزید قومی خبریں