تحریک انصاف نے انتخابات میں پولنگ کے اوقات میں توسیع کے لئے سیکرٹری الیکشن کمیشن کو خط ارسال کر دیا

منگل 26 جون 2018 21:06

اسلام آباد ۔ (اُردو پوائنٹ اخبارتازہ ترین - اے پی پی۔ 26 جون2018ء) پاکستان تحریک انصاف نے انتخابات میں پولنگ کے اوقات میں توسیع کے لئے سیکرٹری الیکشن کمیشن کو خط ارسال کر دیا ہے ۔

(جاری ہے)

پی ٹی آئی کے ترجمان فواد چوہدری نے خط میں تحریر کیا ہے کہ ملک میں گرمی کی شدید لہر پائی جاتی ہے اور انتخابات میں پولنگ کا وقت شام پانچ بجے تک محدود کیا گیا ہے۔فواد چوہدری نے کہا کہ دن 12 بجے سے شام 4 بجے شام تک گرمی عروج پر ہوتی ہے اور گرمی کی شدت میں لوگوں کا باہر نکلنا محال ہوتا ہے لہذا اس صورتحال کے پیش نظر پولنگ کا وقت رات 8 بجے تک کردیا جائے۔