ْانتخابی مہم کیلئے پی ٹی آئی چیئرمین عمران خان کا شیڈول جاری، کل 2روزہ دورے پر لاہور آئیں گے

منگل 26 جون 2018 23:03

لاہور (اُردو پوائنٹ اخبارتازہ ترین - این این آئی۔ 26 جون2018ء) پاکستان تحریکِ انصاف نے آئندہ انتخابات کے لئے چیئرمین عمران خان کے نئے شیڈول کا اعلان کر دیا ۔پاکستان تحریکِ انصاف کی جانب سے انتخابی مہم کا آغاز 27 جون کو اسلام آباد سے کیا جانا تھا لیکن سینٹرز کی عدم دستیابی کی وجہ سے ورکرز کنونشن منسوخ کر دیا گیا۔

(جاری ہے)

اب عمران خا ن 27اور 28جون کولاہور کے دو روزہ دورے کے دوران انتخابی مہم کی قیادت کریں گے۔اس دوران عمران خان کارنر میٹنگز میں کارکنوں سے خطاب کریں گے۔ یکم جولائی کو عمران خان کا بنوں کا دورہ شیڈول ہے جبکہ 2 اور 3 جولائی کو چیئرمین تحریکِ انصاف کراچی میں کارکنوں کا لہو گرمائیں گے۔ اسلام آباد میں جلسے کا اعلان بعد میں کیا جائے گا۔