طلباء و طالبات کو چاہیے کہ وہ سوشل میڈیا کے بجائے اپنا قیمتی وقت پڑھائی پر صرف کریں، محمد عارف

بدھ 27 جون 2018 12:29

مردان۔ (اُردو پوائنٹ اخبارتازہ ترین - اے پی پی۔ 27 جون2018ء) سائبان ڈویلپمنٹ آرگنائز یشن مردان کے صدر محمد عارف نے کہا کہ طلباء و طالبات کو چاہیے کہ وہ سوشل میڈیا کے بجائے اپنا قیمتی وقت پڑھائی پر صرف کریں اور کتاب کو اپنا دوست بنائیں۔ ان خیالات کا اظہار انہوں نے عبدالولی خان یونیورسٹی مردان میں آئی بی ایل ڈیپارٹمنٹ کے زیر اہتمام ایک روزہ سیمنار کے موقع پر غیر سرکاری تنظیم سی پی ڈی آئی(ایف این ایف پاکستان) کی طرف سے آئی بی ایل ڈیپارٹمنٹ کی لائبریری کو پانچ سو زائد مفت کتب فراہم کرنے کے موقع پرکیا ۔

سیمنار کے مہمان خصوصی معروف صنعتکار حاجی نسیم ارحمان تھے۔ تقریب میںآئی بی ایل ڈیپارٹمنٹ کے ڈائر یکٹر قادر بلوچ،شاہ حسین اعوان،زمونگ جذبہ ویلفیئر سوسائٹی کے چیئر مین محمد پرویز،تعلیمی جرگہ کے سجاد احمد،آواز ویلفیئر آرگنائز یشن کے عامر فدا ایڈوکیٹ بھی موجود تھے ۔

(جاری ہے)

انہوں نے کہا کہ سائبان ڈویلپمنٹ آرگنائز یشن کے بینر تلے ضلع مردان کے چاروں تحصیلوں میں قائم تمام سرکاری تعلیمی اداروں کو ملک بھر کی لاتعداد غیر سرکاری تنظیموں کی تعاون سے مفت کتابوں کا سلسلہ جاری رہیگا۔

محمد عارف نے عبدالولی خان یونیورسٹی مردان میں آئی بی ایل ڈیپارٹمنٹ کے ڈائر یکٹر قادر بلوچ،شاہ حسین اعوان کو کامیاب پروگرام کے انعقاد پر مبار کباد پیش کی اور اپنی طرف سے مکمل تعاون کی یقین دہانی کراوئی۔