سفارتی بائیکاٹ کے تناظر میں قطر کے امارات پر مقدمہ کی سماعت

دوحہ حکومت کا متحدہ عرب امارات پر انسانی حقوق کی خلاف ورزی کا الزام

بدھ جون 15:00

ہیگ(اُردو پوائنٹ اخبارتازہ ترین۔ 27 جون2018ء) عالمی عدالت نے سفارتی بائیکاٹ کے تناظر میں قطر کا متحدہ عرب امارات پر مقدمہ کی سماعت ہنگامی بنیادوں پر شروع کر دی، دوحہ حکومت نے امارات پر انسانی حقوق کی خلاف ورزی کا الزام عائد کیا ہے۔غیر ملکی ذرائع کے مطابق اقوام متحدہ کی اعلی ترین عدالت میں متحدہ عرب امارات کے خلاف قطری کیس کی ہنگامی بنیادوں پر کارروائی شروع ہو گئی ہے۔

(جاری ہے)

دوحہ حکومت نے اپنے خلاف سفارتی بائیکاٹ کے تناظر میں امارتی حکومت پر انسانی حقوق کی خلاف ورزی کا الزام عائد کیا ہے۔ بدھ ستائیس جون کو ابتدائی سماعت تین گھنٹوں تک جاری رہی، جس میں دوحہ حکومت نے اپنے دلائل پیش کیے۔ عدالت جمعرات کو متحدہ عرب امارت سے اس کا موقف سننے گی جبکہ جمعے کو فریقین سماعت میں موجود ہوں گے۔ قطری حکومت نے ہالینڈ کے شہر دی ہیگ میں آئی سی سی کی عدالت میں یہ کیس اسی ماہ دائر کرایا تھا۔