افغانستان میں امن کا راستہ سخت لیکن قابل عمل ہے ،ْملیحہ لودھی

طالبان کی قیادت میں سیاسی حل کیلئے بات چیت پرکافی ہم آہنگی ہے ،ْ خطاب

بدھ 27 جون 2018 15:20

نیو یارک(اُردو پوائنٹ اخبارتازہ ترین - این این آئی۔ 27 جون2018ء) اقوام متحدہ میں پاکستان کی سفیرملیحہ لودھی نے کہا ہے کہ افغانستان میں امن کا راستہ سخت لیکن قابل عمل ہے۔پاکستان کی اقوام متحدہ میں سفیرڈاکٹرملیحہ لودھی نے سلامتی کونسل میں اظہارخیال کرتے ہوئے کہا کہ افغانستان میں حالیہ پیشرفت سے امن وسلامتی کے امکانات روشن ہوگئے، عیدالفطرپرتین روزہ سیزفائرسے جنگ میں 17 سال بعد غیرمتوقع ٹھہراؤآیا ہے ،ْ چند دن کے لئے جنگ بندی سے بھی امید اورمواقع پیدا ہوئے ہیں۔

(جاری ہے)

ملیحہ لودھی نے کہا کہ طالبان کی قیادت میں سیاسی حل کیلئے بات چیت پرکافی ہم آہنگی ہے، موقع سے فائدہ اٹھاتے ہوئے افغانستان میں پائیدارامن کیلئے سنجیدہ کوششیں کی جائیں، اشرف غنی اورامریکی وزیرخارجہ نے طالبان سے غیرملکی افواج کے معاملے پرمذاکرات کا اشارہ دیا ہے۔ملیحہ لودھی نے کہا کہ دنیا کی طاقتورافواج کی 17 سال جنگ بھی افغان مسئلہ حل نہیں کرسکی، افغانستان میں امن کا راستہ سخت لیکن قابل عمل ہے تاہم مذاکرات کے عمل کے ذریعے امن کی تلاش افغان حکومت، پڑوسیوں اور عالمی برادری کی ترجیح ہے۔