سابق امیدوار اسمبلی نوید عباسی ایڈووکیٹ کا دورہ مظفرآباد، وکلاء برادری سے ملاقات، اہم امور پر تبادلہ خیال

بدھ 27 جون 2018 16:06

مظفرآباد (اُردو پوائنٹ اخبارتازہ ترین - آئی این پی۔ 27 جون2018ء) سابق امیدوار اسمبلی نوید عباسی ایڈووکیٹ کا دورہ مظفرآباد، وکلاء برادری سے ملاقات، اہم امور پر تبادلہ خیال، ریاستی عوام کو انصاف کی فراہمی کے لیے عدلیہ کے اقدامات اور وکلاء برادری کے کردار کی تعریف، تفصیلات کے مطابق کراچی میں مقیم معروف نوجوان قانون دان، سابق امیدوار اسمبلی نوید عباسی ایڈووکیٹ نے مظفرآباد کا دورہ کیا، دورہ کے دوران انہوں سے مظفرآباد ڈسٹرکٹ کورٹ میں وکلاء برادری سے ملاقاتیں کیں اور اہم امور پر تبادلہ خیال کیا، اس موقع پر انہوں نے ریاستی عوام کو انصاف کی فراہمی کے لیے آزادکشمیر عدلیہ کے اقدامات اور وکلاء برادری کے کردار کو خراج تحسین پیش کیا، نوید عباسی ایڈووکیٹ نے اپنے دورہ مظفرآباد کے دوران مختلف سیاسی وسماجی شخصیات سے ملاقاتیں بھی کیں، اور اپنے حلقہ انتخاب میں مختلف مقامات پر مرنے والے افراد کی فاتحہ خوانی بھی کی۔