سرکاری افسران و ملازمین کے ہاس رینٹ الائونس میں اضافہ

بدھ 27 جون 2018 17:12

لاہور(اُردو پوائنٹ اخبارتازہ ترین - آئی این پی۔ 27 جون2018ء) سرکاری افسران و ملازمین کے ہاس رینٹ الاونس میں اضافہ ‘ وفاق نے ترمیم شدہ ہاس رینٹ الاونس کا نوٹفیکیشن جاری کردیا، گریڈ اکیس کے آفیسر کو انچاس ہزار تین سو اسی اور گریڈ بائیس کے آفیسر کو اکسٹھ ہزار نو سو پینسٹھ روپے ملیں گے۔

(جاری ہے)

نوٹفیکیشن کے مطابق گریڈ ایک سے دو کے ملازم کو چار ہزار پانچ سو ستتر ،گریڈ تین سے چھ کے ملازمین کے لیے چھ ہزار سات سو چھ روپے، گریڈ سات سے دس کے ملازم کو دس ہزار ایک سو چھیانوے روپے، گریڈ گیارہ سے تیرہ کے ملازم کو چودہ ہزار نو سو چار روپے، گریڈ چودہ سے سولہ کے ملازمین کو اٹھارہ ہزار آٹھ سو تینتالیس روپے، گریڈ سترہ سے اٹھارہ کے افسران کو چوبیس ہزار نو سو انتیس روپے، گریڈ انیس کے آفیسر کو پینتیس، گریڈ بیس کے آفیسر کو اکتالیس ہزار روپے ملیں گے دوسری جانب گریڈ اکیس کے آفیسر کو انچاس ہزار تین سو اسی اور گریڈ بائیس کے آفیسر کو اکسٹھ ہزار نو سو پینسٹھ روپے ملیں گے۔

حکام کا کہنا ہے کہ اس نوٹفیکیشن کے مطابق لاہور سے اسلام آباد منتقل ہونے والے افسران مستفید ہوں گے۔