دفاعی نمائش آئیڈیاز 2018 نومبر میں ہوگی

نگراں وزیراعلی سندھ فضل الرحمان نے تمام صوبائی اداروں کو نمائش کے انعقاد میں ہر ممکن تعاون کی ہدایت

بدھ جون 18:27

کراچی(اُردو پوائنٹ اخبارتازہ ترین۔ 27 جون2018ء) کراچی میں دفاعی نمائش آئیڈیاز 2018 ، 27 سے 30 نومبر تک منعقد ہوگی۔ نگراں وزیراعلی سندھ فضل الرحمان نے تمام صوبائی اداروں کو نمائش کے انعقاد میں ہر ممکن تعاون کی ہدایت جاری کردی۔نگراں وزیراعلی سندھ فضل الرحمان کی زیر صدارت آئیڈیاز 2018 کی اسٹیرنگ کمیٹی کا اجلاس وزیراعلی ہائوس میں ہوا۔اجلاس میں ڈی جی ڈیپو میجر جنرل محمود حیات، ڈی جی رینجرز،،، آئی جی سندھ،،، پاکستان آرمی، نیوی و ایئرفورس کے سینئر افسران سمیت دیگر نے شرکت کی۔

اس موقع پر نگراں وزیر اعلی سندھ کا کہنا تھا کہ آئیڈیاز 2018 ڈیفنس ٹیکنالوجی کی ترقی میں اہم کردار ادا کرے گی۔ اس نمائش سے پاکستان کے اسٹریٹجک تعلقات کو مزید استحکام ملے گا۔ڈی جی ڈیپو میجر جنرل محمود حیات نے نمائش کے حوالے سے اجلاس کو بریفنگ دیتے ہوئے کہا کہ نمائش میں جدید ٹیکنالوجی کی مصنوعات پیش کی جائیں گی جبکہ انٹرنیشنل ڈیفنس ایگزیبیشن اور سیمینار بھی منعقد کیے جائیں گے۔

(جاری ہے)

نگراںوزیراعلی سندھ فضل الرحمان نے مزید کہا کہ حکومت کے ایم سی کی مدد سے شہر کو خوبصورت بنائے گی۔ آئیڈیاز 2000 کے بعد یہ نمائش مینوفیکچرز، مالیاتی ماہرین اور اعلی سطحی پالیسی سازوں کے لیے اہم ہوگی۔فضل الرحمان نے کہا کہ یہ ہمارا ایونٹ ہے، سندھ حکومت میزبان ہے اور ہمیں اس کو ایک زبردست بنانا ہے۔۔