داتا گنج بخش،گلبرگ و سمن آباد زون کا تجاوزات کیخلاف آپریشن

2ٹرک سامان قبضہ میں لے لیا ، غیر قانونی تعمیر دیوار وتھڑا بھی مسمار

بدھ 27 جون 2018 21:08

لاہور۔27 جون(اُردو پوائنٹ اخبارتازہ ترین - اے پی پی۔ 27 جون2018ء) لارڈ میئر بلدیہ عظمیٰ لاہور کرنل (ر) مبشر جاوید کے حکم پر چیف آفیسر بلدیہ عظمیٰ سردار نصیر احمد کی زیر نگرانی ایم او (آر) احسان سرور زیدی ، ڈپٹی چیف آفیسر داتا گنج بخش زون، ڈپٹی چیف آفیسر گلبرگ زون اور ڈپٹی چیف آفیسر سمن آباد زون نے تجاوزات کیخلاف آپریشن کیا، دوران آپریشن بیڈن روڈ پرجن دکانداروں نے اپنی دکانوں کے آگے الیکٹرک بورڈ لگائے ہوئے تھے وہ ہٹادئیے گئے اور2ٹرک سامان قبضہ میں لے کر سٹور میں جمع کروا دیا گیا جبکہ غیر قانونی طور پر تعمیر شدہ دیوار اورتھڑا بھی مسمار کر دیا گیا۔