لاہور ہائیکورٹ نے پنجاب ایجوکیشن فائونڈیشن کے حاملہ خاتون آفیسر کے ساتھ غیر انسانی سلوک کرنے اور انہیں بلاجواز برطرف کرنے کیخلاف درخواست کا نوٹس لے لیا
جمعرات 28 جون 2018 23:41
(جاری ہے)
مسٹر جسٹس شجاعت علی خان نے پنجاب ایجوکیشن فائونڈیشن کی برطرف ڈپٹی ڈائریکٹر سعدیہ ضیاء عقیل کی درخواست پر سماعت کی، درخواست گزار کی طرف سے چودھری شعیب سلیم ایڈووکیٹ نے مئوقف اختیار کیا کہ دوران ملازمت انہیں حمل کے معاملے میں پیچیدگیوں کا سامنا تھا جس پر انہوں نے ڈاکٹرز کے مشورے پر ٹیسٹ ٹیوب عمل کا سہارا لیا ، انہوں نے نشاندہی کی کہ خاتون افسر نے پنجاب ایجوکیشن فائونڈیشن کے چیئرمین اور ایم ڈی کو انسانی ہمدردی کی بنیاد پر درخواست دی کہ فی الوقت فائونڈیشن میں ان کا دفتر گرائونڈ فلور پر منتقل کر دیاجائے کیونکہ فرسٹ فلور اور سکینڈ فلور پر آمد و رفت کی وجہ سے ان کا حمل ضائع ہونے کا خدشہ ہے تاہم چیئرمین اور ایم ڈی نے ان کی درخواست مسترد کر دی اور خدشے کے عین مطابق خاتون سرکاری افسر کا چندہفتوں بعد حمل ضائع ہو گیا، انہوں نے مزید نشاندہی کی کہ چند ماہ بعد خاتون افسر نے اپنے ڈاکٹرز کے مشورے سے دوبارہ ٹیسٹ ٹیوب کا سہارا لیا اور پہلے افسوسناک تجربے کا حوالہ دیتے ہوئے چیئرمین اور ایم ڈی کو دوبارہ اپنا دفتر گرائونڈ فلور پر منتقل کرنے کی درخواست تاہم فائونڈیشن کے چیئرمین اور ایم ڈی نے غیرانسانی رویہ اپناتے ہوئے خاتون افسر کی درخواست دوبارہ مسترد کر دی جس پر خاتون افسر نے احتجاجاً استعفیٰ دیدیا اور اس کے ساتھ ساتھ پنجاب کمیشن برائے تحفظ خواتین کو اپنے ساتھ ہونے والے ظلم کیخلاف درخواست بھی دیدی،درخواست گزار کے وکیل نے نشاندہی کی کہ کمیشن برائے تحفظ خواتین نے فائونڈیشن سے رپورٹ مانگی تو فائونڈیشن نے وومن پروٹیکشن کی ایک ذیلی کمیٹی بنا کر خاتون افسر کو طلبی کا نوٹس بھجوایا جس میں یہ تحریر کر کے اپنی بدنیتی ظاہر کی کہ درخواستگزار نے فائونڈیشن پر چونکہ سنگین الزامات عائد کئے ہیں لہٰذا ان کا استعفیٰ مسترد کرتے ہوئے انہیں برطرف کیا جائے، اس کمیٹی کی سفارش پر فائونڈیشن نے خاتون افسر کا استعفیٰ مسترد کر کے انہیں برطرف کر دیا جو وومن پروٹیکشن ایکٹ ایٹ ورک پلیسمنٹ اور بنیادی آئینی حقوق کی خلاف ورزی ہے لہذا درخواست گزار کی برطرفی کالعدم کر کے استعفیٰ منظور کرنے کا حکم دیا جائے اور فائونڈیشن کی وومن پروٹیکشن کمیٹی سمیت پنجاب تحفظ کمیشن برائے خواتین سے بھی رپورٹ طلب کی جائے، تفصیلی دلائل سننے کے بعد عدالت نے ریمارکس دیئے کہ درخواست گزار کے ساتھ غیرانسانی سلوک پر افسوس ہے، عدالت نے حکم دیا کہ فائونڈیشن کے منیجنگ ڈائریکٹر طارق محمود کو 2جولائی عدالت میں ذاتی حیثیت میں پیش ہو کر اس معاملے پر تفصیلی وضاحت دیں۔
مزید قومی خبریں
-
وفاقی دارالحکومت اسلام آباد میں نان روٹی کی قیمتوں میں کمی کا نوٹیفکیشن عدالت نے 6 مئی تک معطل کردیا
-
ملیریا پرقابو پانے کےلئے مشترکہ کوششوں کی ضرورت ہے،چیئرمین سینیٹ کا ملیریا کے عالمی دن کے موقع پر پیغام
-
صدرمملکت کے خطاب پر بحث کے حوالے سے ایوان کے اتفاق رائے سے امور طے کیے جائیں گے، سپیکرقومی اسمبلی
-
گرل فرینڈ کا برگر کھانے پر ایس ایس پی کے بیٹے نے جج کے بیٹے کو قتل کر دیا
-
پنجاب پولیس کو 1ارب 20کروڑ روپے کے فنڈز جاری
-
9 مئی: ڈاکٹر یاسمین راشد کی درخواست ضمانت پر سماعت 27 اپریل تک ملتوی
-
موسمیاتی تبدیلی کرہ ارض کا درپیش عظیم چیلنج ہے، صورتحال کی سنگینی کو سمجھنا ہوگا: بلیغ الرحمان
-
گرفتاری کاڈر:شیر افضل مروت نے اسلام آباد ہائی کورٹ سے حفاظتی ضمانت کیلئے رجوع کرلیا
-
فواد چوہدری کیخلاف مقدمات،سیکرٹری داخلہ کو توہین عدالت کی درخواست پر نوٹس
-
کے پی حکومت کا بیوٹی پارلرز کے بعد وکلا کو بھی فکسڈ ٹیکس نیٹ میں لانے کا فیصلہ
-
راولپنڈی، 7 سالہ لڑکی کی قابل اعتراض تصاویر اور ویڈیوز وائرل کرنے پر ملزم کو 3 سال قید اور 25 لاکھ روپے جرمانہ کی سزا
-
جاوید لطیف اور رانا تنویر کے درمیان اختلافات حلقے میں ٹکٹوں کی تقسیم تنازع قرار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.