طلال چودھری اور اکرم چودھری کے مابین صلح کی اندرونی کہانی منظر عام پر آگئی

طلال چودھری کی ممکنہ نااہلی کی صورت میں ان کی جگہ حلقہ این اے 102میں آزاد امیدوار اکرم چودھری کو الیکشن میں کامیاب کروایا جائے گا، ذرائع

اتوار 1 جولائی 2018 22:20

جڑانوالہ (اُردو پوائنٹ اخبارتازہ ترین - آئی این پی۔ 01 جولائی2018ء) طلال چودھری اور اکرم چودھری کے مابین صلح کی اندرونی کہانی منظر عام پر آگئی، تفصیلات کے مطابق جڑانوالہ حلقہ این اے 102میں ن لیگ کے امیدوار سابق وزیر مملکت داخلہ طلال چودھری اور ان کے حقیقی چچا سابق صوبائی وزیر اوقاف آزاد امیدوار حلقہ این اے 102محمد اکرم چودھری کے مابین خاندانی ، سیاسی رنجش چلی آرہی تھی مگر برادری کے سرپنچوں نے متفقہ طور پر طلال چودھری اور اکرم چودھری کے مابین سیاسی رنجش کو ختم کروا کر صلح کروادی ہے طلال چودھری اور اکرم چودھری کے مابین صلح کی اندرونی کہانی منظر عام پر آگئی ہے۔

(جاری ہے)

مصدقہ ذرائع کے مطابق سپریم کورٹ آف پاکستان میں توہین عدالت کیس میں طلال چودھری کی ممکنہ نااہلی کی صورت میں ان کی جگہ حلقہ این اے 102میں آزاد امیدوار اکرم چودھری کو الیکشن میں کامیاب کروایا جائے گا۔ یادرہے کہ ریٹرننگ آفیسر نے حلقہ این اے 102میں اکرم چودھری کو آزاد امیدوار کی حیثیت سے بالٹی کا نشان الاٹ کیا ہے۔