یوآہم لو جرمن فٹ بال ٹیم کے کوچ رہیں گے، جرمن فٹ بال ایسوسی ایشن

بدھ 4 جولائی 2018 11:30

برلن ۔ (اُردو پوائنٹ اخبارتازہ ترین - اے پی پی۔ 04 جولائی2018ء) جرمن فٹ بال ایسوسی ایشن نے تصدیق کی ہے کہ یوآہم لو جرمنی کی فٹ بال ٹیم کوچ کے طور پر اپنے فرائض سر انجام دیتے رہیں گے۔ اس موقع پر یوآہم لو نے کہا کہ ٹیم سے مشاورت کے بعد صورتحال کا تفصلی جائزہ لے کر مستقبل کے حوالے سے نئی حکمت عملی مرتب دی جائے گی ۔ جرمن فٹ بال ایسوسی ایشن کے مطابق یوآہم لو 2022ء میں قطر میں ہونے والے عالمی کپ تک ٹیم کو تربیت کرتے رہیں گے۔

(جاری ہے)

یاد رہے روس میں جاری ورلڈ کپ کے پہلے مرحلے میں ہی جرمن ٹیم ٹورنامنٹ سے باہر ہو گئی تھی۔ دفاعی چیمپئن کی اس تاریخی شکست پر یوآہم لو کو شدید تنقید کا سامنا کرنا پڑ رہا ہے اور یوآہم لو کے مستعفی ہو جانے کی خبریں گردش کر رہی تھیں تاہم جرمن فٹ بال ایسوسی ایشن کے مطابق یوآہم لو آئندہ فٹ بال ورلڈ کپ تک ٹیم کی تربیت کرتے رہیں گے۔ یو آہم لو نے کہا کہ ورلڈ کپ میں جو غلطیاں ٹیم نے کیں ہیں کوشش ہوگی کہ ان پر قابو پاکر ٹیم کو مزید مضبوط بنایا جا سکے۔