امریکا کے یوم آزادی کے حوالے سے شاہ سلمان کی ڈونلڈ ٹرمپ کو مبارک باد

پیغام میں دونوں دوست ممالک کے درمیان خصوصی تعلقات اور تمام شعبوں میں پیش رفت کو بھی سراہا گیا

بدھ 4 جولائی 2018 12:00

․ریاض(اُردو پوائنٹ اخبارتازہ ترین - این این آئی۔ 04 جولائی2018ء) سعودی عرب کے فرماں روا شاہ سلمان بن عبدالعزیز نے امریکا کے یوم آزادی کے موقع پر صدر ڈونلڈ ٹرمپ کو مبارک باد کا پیغام ارسال کیا ہے۔امریکا نے 4 جولائی 1776ء کو برطانوی تسلط سے آزادی حاصل کی تھی۔

(جاری ہے)

غیرملکی خبررساں ادارے کے مطابق شاہ سلمان کے پیغام میں مملکتِ سعودی عرب کے فرماں روا، عوام اور حکومت کی جانب سے امریکی صدر، حکومت اور عوام کے لیے گرم جوشی کے ساتھ تہنیت اور نیک تمناؤں کا اظہار کیا گیا ہے۔اس کے علاوہ دونوں دوست ممالک کے درمیان خصوصی تعلقات اور تمام شعبوں میں پیش رفت کو بھی سراہا گیا۔