سرگودھا میں جیپ کا نشان ہر جگہ موضوع بحث بن گیا

لوگ اسے نئی جماعت بننے کا سگنل قریب دے رہے ہیں

بدھ جولائی 12:10

سرگودھا میں جیپ کا نشان ہر جگہ موضوع بحث بن گیا
سرگودھا(اُردو پوائنٹ اخبارتازہ ترین۔ 04 جولائی2018ء) سرگودھا میں جیپ کا نشان ہر جگہ موضوع بحث بنا ہوا ہے اور لوگ اسے نئی جماعت بننے کا سگنل قریب دے رہے ہیں ۔ ضلع سرگودھا میں حالیہ انتخابات میں 8 آزاد امیدوار بھی مسلم لیگ سے نالاں چوہدری نثار کے انتخابی نشان جیپ سے الیکشن لڑ رہے ہیں۔

(جاری ہے)

زرائع کے مطابق ان میں قومی اسمبلی کے حلقہ این اے 88سے راو طاہر مشرف خاں ، صوبائی اسمبلی کے حلقہ پی پی 73سے غلام دستگیر خان لک ، حلقہ پی پی 76سے سجاد حیدر،حلقہ پی پی 74سے سردار شوکت علی صفدر، حلقہ پی پی 77سے محمد افضل ،حلقہ پی پی81سے میاں سیف، حلقہ پی پی 78 سے محمد اسلم اور حلقہ پی پی 80 سے علی عباس جیپ کے نشان پر الیکشن لڑتے ہوئے بھر پور انتخابی مہم چلائے ہوئے ہیں جہنیں لوگ چوہدری نثار کی جیپ کے سوار قرار دے رہے ہیں ۔

لوگوں کا خیال ہے کہ مستقبل میں جیپ نئی سیاسی جماعت کا نشان بنے گا۔