آئندہ عام انتخابات میںعوام چوروں،لٹیروںاور نیالبادہ اوڑھ کر آنیوالوں کو مسترد کردیں گے،صابرحسین اعوان

بدھ 4 جولائی 2018 18:23

پشاور (اُردو پوائنٹ اخبارتازہ ترین - آئی این پی۔ 04 جولائی2018ء) صدر متحدہ مجلس عمل ضلع پشاور و امیدوار این اے 28 صابرحسین اعوان نے کہاہے کہ آئندہ عام انتخابات میںعوام چوروں،لٹیروںاور نیالبادہ اوڑھ کر آنے والوں کو مسترد کردیں گے،ملک و قوم کوجراتمند، پڑھی لکھی اورمحبت وطن قیادت ہی آگے لے جاسکتی ہے جوکہ صرف اور صرف ایم ایم اے کے پاس ہے،آئندہ انتخابات کرپٹ اور بدعنوان ٹولے سے نجات کا ذریعہ بنیں گے،ایم ایم اے اقتدار میںآکر لوگوں کے مسائل حل کرے گی،انشاء اللہ وہ وقت دور نہیں جب وطن عزیزترقی کی راہ پر گامزن ہوگا۔

وہ گھڑی میر عالم خان میں انتخابی جلسہ سے خطاب کر رہے تھے ۔ انتخابی جلسہ سے ایم ایم اے کے امیدوار برائے پی کے 69 خالد وقار چمکنی اور کرامت اللہ اعوان نے بھی خطاب کیا ۔

(جاری ہے)

صابرحسین اعوان نے جلسہ سے خطاب کرتے ہوئے کہاکہ اگر عوام نے آئندہ انتخابات میں تمام تروابستگیوں سے بالا تر ہوکرپاکستان کے بہتر مستقبل کے بارے میں نہ سوچا تو یہی لوگ دوبارہ اقتدار پرقابض ہوجائیں گے،صوبے میںآئندہ حکومت متحدہ مجلس عمل کی ہوگی ۔

ملک کو کلین اور دیانتدار قیادت کی ضرورت ہے،ا یم ایم اے کی بحالی کا مقصد پاکستان کو درپیش اندرونی اور بیرونی خطرات کا مقابلہ کر نے کیلئے قوم کو متحد کرنا ہے۔پاکستان میں مسائل کم ہونے کے بجائے بڑھ رہے ہیں، ملک کے تمام مسائل کا حل اسلامی نظام کے نفاذمیں ہے۔ متحدہ مجلس عمل ملک میں اسلامی نظام کے نفاذ کے لئے کوشاں ہے۔