عوام سیکولر پارٹیوں سے تنگ آچکے ہیں،آئندہ انتخابات میں متحدہ مجلس عمل بھرپور کامیابی حاصل کریگی ‘میاں مقصود احمد
الیکشن کمیشن اپنی آئینی وقانونی ذمہ داری اداکرتا تو ملک میں سیاسی افراتفری نہ ہوتی‘امیر جماعت اسلامی پنجاب کامنصورہ میں اجلاس سے خطاب
بدھ 4 جولائی 2018 20:02
(جاری ہے)
جماعت اسلامی قیام پاکستان سے ملک میں اسلامی نظام کے نفاذ کے لیے مسلسل جدوجہد کررہی ہے۔
قراردادمقاصد بھی جماعت اسلامی کی کاوشوں سے منظور ہوئی تھی۔جمہوریت کی بحالی کے لیے بھی ہمیشہ جماعت نے اہم کردار اداکیا ہے اور پُرامن جمہوری جدوجہد کے ذریعے ماضی میں آمریتوں کو بھی سرنگوں کیا۔انہوں نے کہاکہ اس وقت پاکستان چاروں طرف سے خطرات میں گھراہواہے۔امریکہ،بھارت اور اسرائیل کی ناپاک تثلیث پاکستان اور عالم اسلام کے خلاف سازشیں کررہی ہے۔پاکستان میں عدلیہ اور دیگر اداروں کی مضبوطی سے ملک دشمن قوتوں کے عزائم کو ناکام بنایاجاسکتاہے۔انہوں نے کہاکہ پوری قوم عدلیہ کے ساتھ کھڑی ہے۔جماعت اسلامی نے عدلیہ کی بحالی کی تحریک میں نمایاں کردار اداکیا تھا۔اب بھی ہم سمجھتے ہیں کہ عدلیہ کے ادارے کومستحکم کرنے کے لیے تمام سیاسی قوتوں کو مل کرجدوجہد کرنی چاہئے۔ نواز شریف کو اس حوالے سے اپنے بیانیے کو تبدیل کرنے کی ضرورت ہے انکا بیانیہ ملک و قوم کی سلامتی ،تحفظ اور بقا کے لئے سنگین خطرہ ثابت ہو سکتا ہے ۔میاں مقصود احمدنے مزید کہا کہ جماعت اسلامی نے ہمیشہ اپنے مثبت کردار کو اداکرتے ہوئے عوامی ایشوز کو اجاگر کیا ہے۔جماعت اسلامی کی کرپشن فری پاکستان تحریک الحمدللہ کامیابی سے ہمکنار ہوئی ہے۔ہم ملک میں موجودتمام کرپٹ عناصر کا احتساب چاہتے ہیں۔انہوں نے کہاکہ اگر الیکشن کمیشن62اور63کے حوالے سے اپنی آئینی ذمہ داری پہلے اداکرتاتو آج ملک میں سیاسی افراتفری کاعالم نہ ہوتا۔موجودہ سیاسی صورتحال کے پیش نظر تمام افرادکو مل کر کام کرنے کی ضرورت ہے۔انہوں نے کہاکہ جماعت اسلامی موروثیت سے پاک جماعت ہے۔ہمارے مختلف ادوار میں کامیاب ہوکر اسمبلیوں میں جانے والے افراد کا دامن صاف ستھرا ہے۔ہمارے نمائندوں نے ذات پات سے بالاترہوکر ملک وقوم کی فلاح وبہبود کے لیے کام کیا۔ ضرورت اس امر کی ہے کہ پاکستان کوحقیقی اسلامی فلاحی ریاست بنانے کے لیے جدوجہدکی جائے۔مزید اہم خبریں
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.