مسلم لیگ (ن) کا انتخابی مہم کو پر امن احتجاج کا ذریعہ بنانے کا اعلان
احتساب عدالت کے فیصلے کی ٹائمنگ انتخابی عمل پر اثر انداز ہونے کی کوشش ہے، نواز شریف نے ملک کی بے پناہ خدمت کی، جو سزا سنائی گئی ہے وہ قطعاً اس کے حقدار نہیں ،اہلیہ کی شدید علالت کے باوجود نواز شریف اپنی صاحبزادی کے ہمراہ عدالت میںپیش ہوتے رہے، پاکستان مسلم لیگ(ن) کے صدر محمد شہباز شریف کا پریس کانفرنس سے خطاب
جمعہ 6 جولائی 2018 21:39
(جاری ہے)
لاہور ہائیکورٹ نے 2010ء میں نیب کو خط لکھا اور ہدایات دیں کہ چنیوٹ میں لوہے کے ذخائر میںساڑھے چارسو ارب کا فراڈ کرنے والوں کے خلاف تادیبی کاروائی کی جائے او رانہیں قرار واقعی سزا دی جائے لیکن اس واقعہ کو آٹھ سال گزر گئے ہیں جس خائن نے قوم کے ساڑھے چار سو ارب لوٹے اسے کلین چٹ دیدی گئی،کمیشن کی رپورٹ میں کہا گیا کہ نندی پور کیس میں بابر اعوان براہ راست ذمہ دار ہیں لیکن نیب نے آج تک ان کے خلاف کارروائی نہیں کی ۔
اس کے علاوہ بہت سے مقدمات سالہا سال سے التواء میں پڑے ہوئے ہیں جن کے ذریعے اس غریب ملک کی ایک نہیں کئی سو اربوں کی جمع پونجی لوٹی گئی اور ان کے بلیک اینڈ وائٹ ثبوت بھی موجود ہیں ۔ نواز شریف او ر ان کی صاحبزادی نے نیب عدالت میں 109پیشیاں بھگتیں حتیٰ کہ چھٹی کے روز بھی کیس چلانے کی بات ہوئی ۔انہوںنے کہا کہ بہت سے کارنامے او رمنصوبے ہیں جن کا کریڈٹ نواز شریف کو جاتا ہے ، نواز شریف نے اس ملک کو ایٹمی قوت بنایا اور قوم کی دعائوں سے خارجی دبائو ، دھمکیوں اور لالچ کو بھی پایہ حقارت سے ٹھکرا دیا اور ملک کے وسیع تر مفاد میں فیصلہ کیا ۔ملک میں سی پیک کا موجد کون ہے، چین نے نواز شریف کی وجہ سے سی پیک کا تحفہ دیا ، گوادر کے حوالے سے خوشحالی اور ترقی کا معاشی پروگرام کا موجد کون ہے ،ملک میں موٹرویز کا جال نواز شریف نے بچھایا ، دیا میر بھاشا ڈیم کے منصوبے کو سرد خانے سے نکال کر کس نے عملی طور پر آگے بڑھایا،وہ کون شخص ہے جس نے اقوام متحدہ میں کشمیر کے معاملے میں طاقتور مقدمہ پیش کیا، وہ نواز شریف ہی ہے۔ اس قوم کے سپوت اور فرزند کو جو سزا سنائی گئی ہے وہ قطعاً اس کے حقدار نہیں تھے۔ نواز شریف نے اس ملک کی بے پناہ خدمت کی ہے ۔ جب یورپ او رامریکہ نے ایٹمی دھماکوں کی وجہ سے پاکستان پر پابندیاں لگائیں تو ملک کیلئے تین سال مفت تیل کا تحفہ نواز شریف لے کر آیا تھا۔ انہوں نے کہا کہ نواز شریف نے ہمیشہ دبائو کا مقابلہ حوصلے، خندہ پیشانی اور بہادری سے کیا ہے، انصاف کے حصول میں سخت تحفظات ہونے ، اہلیہ کی شدید علالت کے باوجود 19اکتوبر 2017سے اپنی صاحبزادی کے ہمراہ عدالت میںپیش ہوتے رہے ، کیا پاکستان کی 70سالہ تاریخ میں اس کی کوئی مثال موجود ہے۔ انہوں نے کہا کہ وہ خائن جنہوں نے ملک کی دولت کو لوٹا ، معیشت کو تباہ کیا ، اس کی جڑوں کو کھوکھلا کیا ، ملک کو کنگال کیا ان کے بارے میں اب تک کیا فیصلہ کیا گیا ہے ۔ انہوںنے کہا کہ ایک احتساب عدالت نے فیصلہ دیا ہے مگر 25جولائی کو ایک عوامی عدالت بھی لگنے والی ہے، میں ملک کے کونے کونے میں جائوں گا، گلی کوچے میں جائوں گا اور عوام کو آگاہ کروں گا ۔ 25جولائی کو فجر کی نماز پڑھ کر نوجوان ، بزرگ ، مائیں ، بہنیں باہر نکلیں گی اور عوامی عدالت میں اپنی مہر سے گواہی دیں گے اور یہی صحیح معنوں میں پورے پاکستان کی گواہی ہو گی۔ شہباز شریف نے کہا کہ عوام کی عدالت کے بعد خدائے بزرگ و برتر کے سامنے بھی ایک عدالت لگنی ہے جہاں سچ اور جھو ٹ کا فیصلہ ہونا ہے وہاںبھی نا انصافی او رانصاف کے درمیان فیصلہ ہونا ہے ، وہاں اس مالک نے فیصلہ کرنا کہ کن لوگوںنے قوم کے اربوں روپے لوٹے اور کن لوگوںنے سر جھکا کر عوام کی خدمت کی اور ملک کو مسائل سے نجات دلائی ،کس نے کراچی سمیت پور ے ملک کا امن بحال کیا ۔ انہوں نے کہا کہ میں ہر روز ایک آیت پڑھتا ہوں کہ کفن کی جیب نہیں ہوتی ۔ ہم اس فیصلے کے خلاف اور انصاف کے حصول کیلئے تمام آئینی اور قانونی راستے اپنائیں گے ۔مسلم لیگ (ن) کے امیدوار بھرپور انتخابی مہم چلا رہے ہیں اور تمام امیدوار اپنی انتخابی جلسوں کو پرا من احتجاج کا ذریعہ بنائیں گے۔ انہوں نے کہا کہ ہمارے بد ترین مخالف بھی اس بات کا الزام نہیںدے سکتے کہ 2013ء میں نواز شریف نے جو وعدے کئے تھے وہ پورے نہیں کئے ،الحمداللہ خدا کی مدد سے ملک سے لوڈ شیڈنگ کے اندھیرے ختم کئے ، ملک کو سی پیک دیا ،کاشغر سے سلک روڈ بننا ہے جس سے لاکھوں لوگوں کو روزگار ملنا ہے اور اس کا کریڈٹ نواز شریف کو جاتا ہے ۔ انہوںنے کہا کہ جب 25جولائی کو شام کو نتائج آئیں گے تو ثابت کریں گے کہ نوازشریف کی لیڈر شپ میں مسلم لیگ (ن) نے ملک کی بے پناہ اوربے لوث خدمت کی ہے ۔ہم اپنے انتخابی جلسوں میںاس کا اعادہ کریں گے کہ قانون کی حکمرانی لے کر آئیں گے اور اس کے آگے سر جھکائیں گے، انصاف وہ ہو جو یکساں اور شفاف ہو اور کوئی یہ نہ کہے کہ کسی کے لئے انصاف کا پیمانہ اور اور دوسرے کے لئے او ر ہے ،قانون امیر اور غریب ،جابر اور محکوم کے لئے برابر ہوتا ہے ۔شہباز شریف نے کہا کہ احتساب عدالت کے فیصلے کی ٹائمنگ انتخابی عمل پر اثر انداز ہونے کی افسوسناک کوشش ہے، انتخابی عمل میں ڈھائی ہفتے رہ گئے ہیں اور ایسے میں فیصلہ جمہوری ،قانونی تقاضوں او ربنیادی حقوق کے منافی ہے، ایک شخص جس کی اہلیہ زندگی وموت کی کشمکش میںمبتلا ہو اس کا بھی کوئی خیال نہ رکھا گیا،یہ سب پوری قوم کے سامنے ہو رہا ہے ،ہم پورے پاکستان میں پیغام پہنچائیں گے ۔ایک سوال کے جواب میں انہوں نے کہا کہ ہمیں حکومت کی چاہت اور لالچ نہیں صرف ایک ہی چاہت اور لالچ ہے کہ 22کروڑ عوام کا ملک پاکستان عزت اور وقار کے ساتھ کھڑا ہو اور دنیا میں اس کا نام سر بلند ہو ۔ انہوںنے نواز شریف کے لندن میںسیاسی پناہ لینے کے سوال کے جواب میں کہا کہ یہ پراپیگنڈا مخالفوں کی جانب سے کیا گیا ، اس طرح کے لغو الزامات پہلی مرتبہ نہیں لگائے گئے ۔ نواز شریف کی اہلیہ کی بیماری کو بھی سیاسی رنگ دینے کی کوشش کی گئی ،سب کو خدا سے ڈرنا چاہیے ،کسی نے اس دنیا میں ہمیشہ نہیں رہنا ،سیاسی پناہ کی باتیں قطعاً بے بنیاد ہیں اور ان کا حقیقت سے کوئی تعلق نہیں ۔ ایک اور سوال کے جواب میں انہوں نے کہا کہ قانونی چارہ چوئی کرنا ہمارا آئینی و قانون حق ہے کہ ہم یہ راستہ اختیار کریں ،عوامی عدالت بھی موجود ہے جس سے تائید ہوتی ہے اور اس سے اوپر اللہ کی ذات بھی موجود ہے ۔ ہمارے پاس سارے آپشن موجود ہیں ، قریہ قریہ جائوں گا ۔ انہوںنے کہا کہ مسلم لیگ (ن) انتخابات میں حصہ لے گی اور الیکشن کمیشن کا فر ض ہے کہ تمام جماعتوںکے امیدواروں کو لیول پلینگ فیلڈ مہیا کرے ۔ مسلم لیگ (ن) کے امیدواروں کو نیب دن رات بلا رہا ہے جبکہ جنہوں نے اس ملک کی دولت لوٹی اس کو کھوکھلا کیا جس کے بلیک اینڈ وائٹ میں ثبوت موجود ہیں انہیں کچھ نہیں کہا جارہا ۔ انہوں نے کہا کہ ہمارے ساتھ جو بھی زیادتی او رنا انصافی ہو گی وہ انتخابی مہم میں عوام کو بتائیں گے ۔ انہوں نے کہا کہ ایک سیاسی جماعت کی جانب سے دوسروں کو چور کہنے کا جو اشتہار چلایا جارہا ہے کیا الیکشن کمیشن کا قانون اس کی اجازت دیتا ہے ،اس اشتہار کے ذریعے براہ راست فتو ے جاری کئے جارہے ہیں، ایسی باتوں کے ذریعے ملک میں آگ نہ لگائیں، الیکشن کمیشن اس کا فی الفور نوٹس لے اور لگام دے کیونکہ اگر بات نکلی تو بہت دور تک جائے گی ۔ انہوں نے کہا کہ 25جولائی کو عوام فیصلہ کرے گی اور میں اس وقت تک چین سے نہیں بیٹھوں گا جب تک دودھ کا دودھ اور پانی کا پانی نہ ہو جائے ۔کی ۔ اس موقع پر مشاہد حسین سید ،خواجہ سعد رفیق ، حمزہ شہباز، پرویز ملک ،زاہد حامد ، خواجہ احمد حسان سمیت مسلم لیگ کے دیگر رہنما بھی موجود تھے۔مزید اہم خبریں
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.