سید خورشید شاہ انتخابی مہم کے دور ان بے آرامی کے باعث بیمار ،ْ

ڈاکٹرز کا آرام کامشورہ …… طبیعت ٹھیک ہے ،ْ ترجمان خورشید شاہ شدید گرمی اور انتخابی مہم کی تھکن کے باعث جیکب آباد کے قریب پیپلز پارٹی رہنما خورشید شاہ کی طبیعت ناساز ہوگئی

ہفتہ 7 جولائی 2018 16:54

سید خورشید شاہ انتخابی مہم کے دور ان بے آرامی کے باعث بیمار ،ْ

اسلام آباد (اُردو پوائنٹ اخبارتازہ ترین - این این آئی۔ 07 جولائی2018ء) پیپلزپارٹی کے سینئر رہنما اور سابق قائد حزب اختلاف خورشید شاہ انتخابی مہم کے دوران بے آرامی کے باعث بیمار ہوگئے ،ْڈاکٹرز نے انہیں آرام کا مشورہ دیا ہے۔

(جاری ہے)

نجی ٹی وی نے پارٹی ذرائع کے حوالے سے بتایا کہ شدید گرمی اور انتخابی مہم کی تھکن کے باعث جیکب آباد کے قریب پیپلز پارٹی رہنما خورشید شاہ کی طبیعت ناساز ہوگئی۔

طبیعت کی ناسازی پر جیکب آباد سے ان کا قافلہ واپس سکھر لوٹ گیا۔ خورشید شاہ کا این آئی سی وی ڈی میں چیک اپ ہوا جس کے بعد ڈاکٹروں نے انہیں آرام کا مشورہ دیا ہے۔اس موقع پر خورشید شاہ نے تمام شیڈول پروگرام ملتوی کر دیئے ہیں۔ دوسری جانب خورشید شاہ کے ترجمان نے خبرکی وضاحت کرتے ہوئے کہا کہ خورشید شاہ کی طبیعت ٹھیک ہے ۔