آنکھیں رکھنے والوں کو سندھ کی ترقی صاف نظر آرہی ہے، آنکھوں سے اندھوں کو نہیں‘ سید قائم علی شاہ

ہفتہ 7 جولائی 2018 22:35

اسلام آباد ۔ (اُردو پوائنٹ اخبارتازہ ترین - اے پی پی۔ 07 جولائی2018ء) سابق وزیراعلی ٰ سند ھ سید قائم علی شاہ نے کہا ہے کہ آنکھیں رکھنے والوں کو سندھ کی ترقی صاف نظر آرہی ہے، آنکھوں سے اندھوں کو نہیں۔

(جاری ہے)

ہفتہ کو اپنے ایک بیان میں سابق وزیراعلیٰ سندھ نے کہا کہ چیئرمین بلاول بھٹو زداری کے عوام کی طرف سے شاندار استقبال دیکھ کر شہید قائدعوام ذوالفقار علی بھٹو اور محترمہ بینظیر بھٹو شہید کے استقبال یاد آگئے ہیں۔

انہوں نے کہا کہ بلاول بھٹو زرداری کی عوام میں مقبولیت دیکھ کر پیپلزپارٹی کے مخالفین کی نیندیں حرام ہو گئی ہیں۔ سید قائم علی شاہ نے کہا کہ آصف علی زردری اور بلاول بھٹو زرداری کی قیادت میں پیپلزپارٹی سندھ میں تاریخی کامیابی حاصل کرے گی۔ انہوں نے کہا کہ سندھ کے عوام پیپلزپارٹی کے ساتھ ہیں اور ساتھ رہیں گے۔