چیف آف دی ایئر سٹاف انٹرنیشنل مینز اور پاکستان انٹرنیشنل ویمن سکوائش ٹورنامنٹس کیلئے 7 ممالک نے شرکت کی تصدیق کر دی

پیر 9 جولائی 2018 16:43

اسلام آباد ۔ (اُردو پوائنٹ اخبارتازہ ترین - اے پی پی۔ 09 جولائی2018ء) چیف آف دی ائیر سٹاف انٹرنیشنل مینز اور پاکستان انٹرنیشنل ویمن سکوائش ٹورنامنٹ میں 7 ممالک نے شرکت کی تصدیق کر دی ہے ۔ پاکستان سکوائش فیڈریشن کی جانب سے جاری کردہ تفصیلات کے مطابق دونوں ایونٹس 10سی14ستمبر تک مصحف علی سکوائش کمپلیس اسلام آباد میں کھیلے جائیں گے۔ مینز ایونٹ کیلئے 30ہزار ڈالر جبکہ خواتین ایونٹ کیلئے 10ہزار ڈالرز کی انعامی رقم مختص کی گئی ہے۔

(جاری ہے)

انہوں نے کہاکہ ایونٹ کی تیاری کے لئے فیڈریشن نے انتظامات شروع کر دیئے ہیں۔ انہوں نے کہاکہ چیف آف دی ایئر سٹاف انٹرنیشنل مینز اور پاکستان انٹرنیشنل وومنز سکوائش ٹورنامنٹ میں ہانگ کانگ، ملائشیاء، مصر، ایران،آسٹریا، تھائی لینڈ اور نیدر لینڈ کے غیر ملکی کھلاڑیوں نے شرکت کی تصدیق کردی ہے، اسی طرح دونوںایونٹ میں میزبان پاکستان کے باصلاحیت کھلاڑیوںکو میدان میں اتاراجائے گا۔ مردوں کے ایونٹ میں ہانگ کانگ سے عالمی نمبر 20 لیو آئو اور خواتین کے ایونٹ میں مصر سے عالمی نمبر 13 رون ٹاپ سیڈ ہوں گے۔