مریم نواز 13جولائی بروز جمعہ کو شام 6بجے لاہور ائیرپورٹ پر اُتریں گے،جمال عارف سہروردی

نواز شریف کی 85 سالہ والدہ آپی جی انکاستقبال کریں گی ائیرپورٹ پر ہزاروں افراد نواز شریف اور مریم نواز کا شاندار اور تاریخی استقبال کریں گے ،رہنماء مسلم لیگ(ن) حیدرآباد ڈویژن

منگل جولائی 23:15

حیدرآباد(اُردو پوائنٹ اخبارتازہ ترین۔ 10 جولائی2018ء) پاکستان مسلم لیگ(ن) کی مرکزی کونسل کے رُکن او رمسلم لیگ(ن) حیدرآباد ڈویژن کے سیکریٹری اطلاعات جمال عارف سہروردی نے کہا ہے کہ پاکستانی نیلسن منڈیلا اور عظیم عوامی رہنما نواز شریف ثانی مادرِ ملت محترمہ فاطمہ جناح مریم نواز 13جولائی بروز جمعہ کو شام 6بجے لاہور ائیرپورٹ پر اُتریں گے، نواز شریف کی 85 سالہ والدہ آپی جی (محترمہ شمیم میاں شریف) کا استقبال کریں گی۔

ائیرپورٹ پر ہزاروں افراد نواز شریف اور مریم نواز کا شاندار اور تاریخی استقبال کریں گے ۔ پوری دنیا کی نظریں صوبائی دارالحکومت لاہور پر مرکوز ہیں ، ووٹ کو عزت دو کی جدوجہد فیصلہ کن مرحلے میں داخل ہوگئی ہے ۔ نواز شریف اور مریم نواز کی قربانیاں رائیگاں نہی جائیں گی۔

(جاری ہے)

آنے والی نسلوں اور قوم کو اس کا فائدہ ہوگا۔ مسلم لیگ(ن) نے ہمیشہ شرافت کی سیاست کو جنم دیا ہے ، ان رہنماؤں کا پرامن استقبال کیا جائے گا۔

حکومت استقبال کو روکنے سے گریز کرے ۔ نواز شریف کارکنوں سے خطاب بھی کریں گے اور ٹھوکر نیاز بیگ نیب کے دفتر جاکر گرفتاری دیں گے۔ پاکستان مسلم لیگ(ن) انتخابات میں تاریخی فتح حاصل کرے گی ۔ دھاندلی ہوئی تو بڑے سنگین نتائج برآمد ہوں گے۔ جمال عارف سہروردی نے کہاکہ کیپٹن (ر) محمد صفدر کو گرفتار کرلیا اور اُن کی گرفتاری کی آڑ میں مسلم لیگ(ن) کے قومی اسمبلی کے اُمیدوار حنیف عباسی سمیت ایم پی اے کے امیدواروں کو گرفتار کرکے شیخ رشید اور دھرنا خان کے اُمیدواروں کو کامیاب کرانا نیب کی ذمہ داری ہے کیونکہ نیب جانبدار ہوتا تو ان لوگوں کیخلاف مقدمات درج نہیں ہوتے ۔

انہوں نے کہاکہ 25جولائی کو عمران خان کو عبرتناک شکست ہوگی اور ان کے سرپرست منہ کی کھائیں گے۔ انہوں نے کہاکہ پاکستان مسلم لیگ(ن) کے صدر شہباز شریف کی کامیاب حکمت عملی سے مسلم لیگ(ن) منظم ہورہی ہے اور انتخابات میں مسلم لیگی امیدواروں کی کامیابی یقینی ہے۔