دہشتگردی کے خاتمہ کیلئے گولی اور مرہم دونوں کی ضرورت ہے،
راحیل شریف نے دہشتگردوں کے خلاف ضرب عضب آپریشن سے قبل بلوچستان کے باغیوں کو کھلی معافی دی،پنجابی طالبان سے معاہدہ کیا مگر کسی پختون لیڈر نے خیبر پختونخوا کے طالبان سے مفاہمتی پالیسی کے حوالے سے آواز نہیں اٹھائی ، خیبر پختونخوا کا نگراں سیٹ اپ بوڑھوں اور بے روزگاروں کا مجمع ہے، ملک میں جمہوری نظام کیلئے سیاسی قیادت کو مل بیٹھ کر سنجیدگی سے سوچنا ہوگا، آئی ایس آئی کے سابق عہدیدار میجر (ر) محمد عامر کی میڈ یا سے گفتگو
بدھ 11 جولائی 2018 22:39
(جاری ہے)
وہ بدھ کو چارسدہ میں اشاعت التوحید والسنت کے صوبائی سیکرٹری اطلاعات محمد فیاض کی والدہ کی فاتحہ خوانی کے بعد میڈیا سے بات چیت کر رہے تھے۔ آئی ایس آئی کے سابق عہدیدار میجر(ر) محمد عامر نے کہا کہ پنجاب میں شوکت حیات جیسے قابل شخص کو داخلہ امور کی وزارت دی گئی ہے جبکہ خیبر پختونخوا میں حکومت نام کی کوئی چیز نہیں۔
دوست محمد خان کی سربراہی میں بوڑھوں اور بے روزگار وں کا ایک مجمع حکومتی خزانے اور عوام پر مسلط کیا گیا ہے۔ دہشت گردی کے خطرات اور اندیشوں کے باوجود نگراں وزیر اعلی خوا ب غفلت کی نیند سو تے رہے۔ امن و امان اور دہشت گردی کے حوالے سے وزیر اعلی نے ایک بھی اجلاس منعقد نہ کیا اور نہ اس حوالے سے کوئی جامع پالیسی وضع کی۔وزیر اعلیٰ روزانہ اپنی درجن بھر تصاویر میڈیا کو جاری کر تے ہیں۔ ولی خان یونیورسٹی میں 800مستقل ملازمین کو گھر بھیج دیا گیا مگر صوبائی حکومت خاموش ہے۔ ہر پختون امن ، خوشحالی اور روزگار چاہتا ہے مگر ان کا کوئی والی وارث اور دل جوئی کرنے والا نہیں ہے۔ خیبر پختونخوا میں ایک کھیل تماشہ چل رہا ہے اور صوبائی حکومت کا ایک ہی مقصد ہے کہ منظور نظر لوگوں کو زیادہ سے زیادہ نوازا جائے۔ میجر عامر نے کہا کہ پشاور خود کش حملے میں بیرونی طاقتوں اور بھارت کا ہاتھ ہے۔ پاکستان کی بربادی کے منصوبے عرصہ دراز سے چل رہے ہیں مگر اس حوالے سے کوئی موثر لائحہ عمل نہیں ہے۔پاکستان میں ہر کوئی جمہوریت چاہتا ہے مگر مروجہ جمہوری نظام سے کوئی شہری مطمئن نہیںلہذا سیاسی قیادت کو مل بیٹھ کر اس حوالے سے سنجیدگی سے سوچنا ہو گا۔ مولانا فضل الرحما ن پر تنقید کر تے ہوئے میجر عامر نے کہا کہ موصوف نے گزشتہ روز اپنی تقریر میں کہا ہے کہ ان کی ناکامی اسلام کی ناکامی ہو گی مگر مولانا بھول رہے ہیں کہ ان کی ناکامی تو فاٹا انضمام ایشو پر پہلے ہی سے ہو چکی ہے۔ 2002 میں ایم ایم اے نے اسلام کے نام پر ووٹ لیا مگر پانچ سالہ دور حکومت میں اسلام کی کوئی خدمت نہیں کی۔ انہوں نے مزید کہا کہ دہشت گردی کے خاتمہ کیلئے گولی کے ساتھ مرہم بھی ضروری ہے اگر دہشت گرد ریاست کی رٹ تسلیم کر کے سرینڈر ہو نا چاہے تو ان کو ضرور مرہم دینا چاہیے۔ انہوں نے واضح کیا کہ جنرل راحیل شریف نے دہشت گردوں کے خلاف ضرب عضب اپریشن سے پہلے بلوچستان کے باغیوں کو کھلی معافی دی جبکہ پنجابی طالبان سے معاہدہ کیا مگر کسی پختون لیڈر نے خیبر پختونخوا کے طالبان سے مفاہمتی پالیسی کے حوالے سے آواز نہیں اٹھائی جس کے منفی اثرات سامنے آرہے ہیں۔مزید اہم خبریں
-
وزیر اعظم کے دورہ سعودی عرب کا امکان
-
بحیرہ احمر میں جبوتی کے ساحل کے قریب 77 افراد کو لے جانے والی کشتی الٹ گئی 23 افراد ہلاک جبکہ21 لاپتہ ہیں.اقوام متحدہ
-
ایرانی صدر ابراہیم رئیسی کے دورہ پاکستان کے دوران پاک ایران گیس پائپ لائن کا تذکرہ سامنے نہیں آسکا
-
نواز شریف نے قمر باجوہ کو مدت ملازمت میں دوسری توسیع کی یقین دہانی کرائی تھی
-
حکومت کے معاشی اشاریوں میں بہتری کے دعوﺅں میں کتنی حقیقت ہے؟ماہانہ اعداد و شمار کو بنیاد بناکرنہیں کہا جا سکتا کہ بہتری آچکی ہے.معاشی ماہرین
-
صدر زرداری سے ائیر ایشیا ایوی ایشن گروپ کی ملاقات
-
عدالت نے علیمہ خان کی عبوری ضمانت کی درخواست منظور کرلی
-
سعودیہ سے دیر آنے والی خاتون 22 سالہ نوجوان کے ساتھ لاپتا، تلاش شروع
-
ایرانی صدر کا دورہ کراچی، (کل) صبح 8 بجے تک موبائل سروس معطل رہے گی
-
کم سے کم اجرت 32000 ہے ، عمل نہ کرنے والے اداروں کے خلاف کارروائی کی جائیگی ، وزیرخزانہ
-
مجھے مسلم لیگ ن سے کیوں نکالا گیا؟ اس کی وجہ شہباز شریف پسند نہیں کرتے تھے
-
اٹک ریفائنری بند ہونے کے دہانے پر
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.