شمالی علاقہ جات کا ملک کی ترقی میں اہم کردار ہے،ممنون حسین

جمعرات 12 جولائی 2018 16:32

اسلام آباد(اُردو پوائنٹ اخبارتازہ ترین - این این آئی۔ 12 جولائی2018ء) صدر مملکت ممنون حسین نے کہا ہے کہ شمالی علاقہ جات کا ملک کی ترقی میں اہم کردار ہے،اس لیے اس علاقے میں تعلیمی سہولتوں میں اضافے سے نہ صرف وہاں کے لوگوں کی زندگی میں بہتری آئے گی بلکہ ملک کی اقتصادی و سماجی ترقی کو مزید فروغ ملے گا۔صدرمملکت نے یہ بات ایوان صدر میں قراقرم انٹرنیشنل یونیورسٹی کے وائس چانسلر انجنیئرپروفیسر ڈاکٹر عطا اللہ شاہ سے گفتگو کرتے ہوئے کہی۔

(جاری ہے)

اس موقع پر وفاقی سیکریٹری برائے کشمیرو گلگت بلتستان محمد آصف شیخ بھی موجود تھے۔صدر مملکت نے کہا کہ اعلی تعلیم کو جدید تقاضوں سے ہم آہنگ کرنے کی ضرورت ہے۔ انھوں نے وائس چانسلر کو ہدایت کی کہ وہ قراقرم انٹرنیشنل یونیورسٹی کی بہتری اور ترقی کے لیے بھر پور کوششیں کریں تاکہ یونیورسٹی کے طلبہ ملک کی ترقی میں اپنا حصہ ڈال سکیں۔ صدر مملکت نے وائس چانسلر اور یونیورسٹی کی کامیابی کے لیے نیک خواہشات کا اظہار کیا اور ہرممکن تعاون کی یقین دہانی کرائی۔

Facebook Twitter Google + Share on Whatsapp

شمالی علاقہ جات کا ملک کی ترقی میں اہم کردار ہے،ممنون حسین

متعلقہ عنوان :

مزید اہم خبریں