نواز شریف اور مریم نواز کی وطن واپسی سے قبل مسلم لیگ ن کو ایک اور دھچکا
مسلم لیگ ن کے ٹریڈرز ونگ کے رہنماؤں نے بھی لاہور ائیرپورٹ نہ جانے کا فیصلہ کر لیا
سمیرا فقیرحسین جمعہ 13 جولائی 2018 12:13
(جاری ہے)
مسلم لیگ ن ٹریڈرز ونگ کے عہدیداران نے تاجروں کو اکٹھا کرنے کے لئے کسی سے کوئی رابطہ بھی نہیں کیا ، ٹریڈرز ونگ کے مزے لوٹنے اور ٹکٹ حاصل کرنے کے لئے سفارشیں کروانے والے تاجر رہنما بھی مسلم لیگی رہنماؤں کو مشکل وقت میں اکیلا چھوڑ گئے ۔
ذرائع کے مطابق تاجر رہنما میاں محمد علی جنہیں مشیر وزیر اعلیٰ پنجاب اور میاں عثمان جنہیں چیئر مین پرائس کنٹرول کمیٹی جیسے اہم عہدے دئیے گئے تھے، کے علاوہ جنرل سیکرٹری پنجاب زبیر انصاری ،جنرل سیکرٹری لاہورشاہد نذیر ، وائس چیئر مین سہیل بٹ ،حافظ امیر اعوان ،سہیل سرفراز منج سمیت اہم تاجر رہنماؤں نے آج شہباز شریف کی کال پر نواز شریف کے استقبال میں تاجروں کو لےجانے کی بجائے خاموشی اختیار کر لی ۔ ان رہنماؤں نے ایک دوسرے کے ساتھ رابطے کر کے اپنے موبائل بھی بند کر دینے پرمشاورت بھی کی۔ذرائع کے مطابق میاں محمد علی ،میاں عثمان سمیت متعدد تاجر رہنماپارٹی ٹکٹ نہ ملنے کا غصہ نکال رہے ہیں۔ تمام تاجر رہنما اہم نمائندے عرفان اقبال شیخ کی کال کا انتظار کرتے رہے جو کاروبار کے سلسلہ میں بیرون ملک ہیں۔ لاہور میں موجود کسی تاجر رہنما نے نواز شریف کے استقبال کے لئے نہ تو بینرز لگائے اور نہ ہی کسی مارکیٹ میں مسلم لیگ ن کی الیکشن مہم چلائی جو مسلم لیگ ن کو عام انتخابات میں بھاری نقصان پہنچنے کا باعث بنے گی۔ واضح رہے کہ مشکل کی اس گھڑی میں مسلم لیگ ن بھی دھڑے بندی کا شکار ہو گئی ہے، پارٹی رہنماؤں اور اُمیدواروں نے نہ صرف کارکنان لانے سے واضح انکار کیا ہے بلکہ کئی رہنماؤں نے تو اپنے فون نمبرز تک بند کر دئے ہیں اور کارکنان کو لاہور ائیر پورٹ لے جانے کی ذمہ داری ایک دوسرے پر ڈال رہے ہیں۔پارٹی کے کچھ اُمیدواروں نے تو کارکنان لانے کی حامی بھر لی ہے جبکہ کئی رہنماؤں نے لاہور ائیر پورٹ پر زیادہ کارکنان لانے سے انکار کر دیا ہے۔جنوبی پنجاب و دیگر اضلاع سے تعلق رکھنے والے ن لیگ کے ٹکٹ ہولڈرز کی جانب سے نوازشریف کے استقبال کے لیے زیادہ افراد لے کر آ نے کے معاملے پر واضح انکار کے بعد پارٹی قیادت نئی پریشانی کا شکار ہو گئی ہے۔ قومی وصوبائی اسمبلی کے اُمیدواروں کی ڈیوٹی بھی لگائی گئی ہے کہ وہ لوگوں کو ائیرپورٹ لے جانے کے لیے ٹرانسپورٹ فراہم کریں۔ دوسری جانب لیگی اُمیدواروں نے کارکنوں کو ائیرپورٹ پر لے جانے کے لئے ٹرانسپورٹرز سے رابطہ کیا جس پر ٹرانسپورٹرز نے کارکنوں کو ائیر پورٹ لے جانے کے لیے لیگی اُمیدواروں کو گاڑیاں دینے سے صاف انکار کردیا ہے جبکہ لیگی رہنماؤں کی تمام تر کوششوں کے باوجود گذشتہ رات تک صرف 300 گاڑیاں ہی بُک کی جا سکیں۔ متعدد لیگی عہدیداران نے محکمہ ٹرانسپورٹ سے بھی رابطہ کیا لیکن انہوں نے سیاسی جماعت کے لئے گاڑیاں بُک کرنے سے معذرت کر لی ہے ۔ ٹرانسپورٹرز کی جانب سے واضح انکار کے بعد مسلم لیگ ن کے رہنما مزید پریشانی میں مبتلا ہو گئے ہیں۔چند ٹرانسپورٹرز نے اپنی گاڑیاں استقبال کے لئے دینے کے لئے فی ویگن 5 ہزار روپے بھی وصول کیے، ان ٹرانسپورٹرز کی جانب سے 300 ویگنوں کو بُک کیا گیا جس کی مکمل ایڈوانس رقم وصول کی گئی ہے۔ ذرائع نے بتایا کہ لیگی رہنماؤں کی جانب سے لاہور سے 2 ہزار ویگنوں کو بُک کرنے کا ٹارگٹ تھا جس کے لئے مسلم لیگی رہنماؤں سمیت ٹکٹ ہولڈرز نے جب ٹرانسپورٹرز سے رابطے کئے اور انکار کا سامنا کرنا پڑا تو ایک اہم لیگی رہنما نے محکمہ ٹرانسپورٹ کے اہم افسر سے رابطہ کیا اوران سے کہا کہ انہیں ویگنوں کو اپنے طور پر بُک کروا کر دیں جس کے لئے رقم پہلے ادا کی جائے گی لیکن محکمہ ٹرانسپورٹ کے افسر نے بھی لیگی رہنما کو صاف اور واضح انکار کر دیا۔ ذرائع کے مطابق گذشتہ رات کافی دیر تک لیگی ٹکٹ ہولڈرز نے متعدد ٹرانسپورٹرز کو عام کرائے سے ڈبل کرائے پر ویگنیں دینے کی پیشکش بھی کی ہے ۔ لیکن ٹرانسپورٹرز نے کہا کہ ن لیگ کے دورمیں زبر دستی ویگنیں لی جاتی تھیں ۔ باقی رقم لینے کے لئے چکر لگا لگا کر تھک جاتے تھے لیکن رقم نہیں دی جاتی تھی ۔اب تو تحریک انصاف کے اُمیدواروں یا الیکشن کمیشن کو ہی گاڑیاں دی جائیں گی۔ واضح رہے کہ لاہور میں آج سکیورٹی فورسز کے اہلکاروں کو ہائی الرٹ رکھا گیا ہے جبکہ نواز شریف اور مریم نواز کی آمد پر کسی ہنگامی صورتحال سے نمٹنے کے لیے سکیورٹی پلان بھی تشکیل دے دیا گیا ہے۔ لاہور کے مختلف علاقوں میں آج اسی سلسلے میں موبائل فون سروس بند رہنے کی اطلاعات بھی ہیں۔مزید اہم خبریں
-
پاکستان کی ترقی و خوشحالی کے لیے وفاق اور صوبوں میں گہرا تعاون اور تعلق کو پذیرائی دینے کی ضرورت ہے.شہبازشریف
-
معاشی استحکام کے لئے وفاق اور صوبوں کےمابین قریبی تعلق اور ہم آہنگی بہت اہم ہے، کسی بھی صوبے اور عوام کی ترقی پاکستان کی ترقی ہے، وزیراعظم محمد شہباز شریف کی سندھ کابینہ کے ارکان سے گفتگو
-
وزیراعلیٰ پنجاب مریم نواز کی زیرصدارت اجلاس، ہائوسنگ پراجیکٹ کی اصولی منظوری
-
وزیراعلیٰ سندھ نے وزیراعظم کو وفاق کی جانب سے سندھ کو نظر انداز کرنے کا شکوہ کر دیا
-
ایرانی صدر کے دورہ پاکستان پر دونوں ملکوں کا 28 نکاتی مشترکہ اعلامیہ جاری
-
محاز آرائی سے جمہوریت کمزور ہوگی،مولانا نام بتائیں اسمبلی کس نے بیچی،فیصل کریم کنڈی
-
بھارت میں آسٹریلوی صحافی کو مودی حکومت پر تنقید کی سزا ملی؟
-
شمالی کوریا کا وفد کے ایران کے غیر معمولی دورے پر
-
کراچی، ایرانی صدرکی روانگی، متعدد راستے بند، بچے اسکول نہ پہنچ سکے
-
شیخ رشید کے خلاف ایک الزام پر درج متعدد مقدمات کے خلاف کیس کا فیصلہ محفوظ
-
بشریٰ بی بی کو زہردیے جانے کے خدشہ کا کیس، پیرتک ٹیسٹ کروا کر رپورٹ عدالت میں جمع کروانے کا حکم
-
وزیراعظم شہبازشریف نے مختلف شعبوں میں نمایاں کارکردگی دکھانے والے نوجوانوں سے مزارقائد پر پاکستان کی خدمت کرنے کا حلف لیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.