نگران حکومتیں دہشت گردی کو روکنے کیلئے موثر اقدامات کریں‘میر محمد یونس

خودکش دھماکوں میں بھارت کے ملوث ہونے کے 100فیصد امکان ظاہر کئے جارہے ہیں‘ممبر کشمیر کونسل

ہفتہ جولائی 13:19

مظفرآباد(اُردو پوائنٹ اخبارتازہ ترین۔ 14 جولائی2018ء) مرکزی رہنما پیپلزپارٹی آزادکشمیر و ممبر کشمیر کونسل میر محمد یونس نے مستونگ ، بلوچستان اور بنو ،خیبرپختون خواہ خودکش دھماکے جبکہ گزشتہ روز پشاور میں خودکش دھماکے میں شہید ہونے والے ہارون بلور کیلئے اظہار تعزیت کرتے ہوئے نگران حکومت سے مطالبہ کیا ہے کہ وہ دہشتگردی کو روکنے کیلئے موثر اقدامات کریں ،خودکش دھماکوں میں بھارت کے ملوث ہونے کے 100فیصد امکان ظاہر کئے جارہے ہیں۔

میر محمد یونس نے سراج رئیسانی ،ہارون بلوراور اکرم خان درانی کی شہادت پر اظہار افسوس کرتے ہوئے کہا کہ ظالموں نے خاندانوں کے خاندان ختم کردیے ۔اُنہوں نے شہید ہونے والوں کے ورثاء کے ساتھ اظہا رتعزیت کرتے ہوئے کہا کہ کشمیری قوم ایسے مشکل ترین وقت میں آپ کے ساتھ شانہ بشانہ کھڑی ہے ۔

اُنہوں نے کہا کہ پشاور،،مستونگ ،،بلوچستان اوربنو،خیبرپختون خواہ میں خودکش دھماکے دراصل بھارتی خفیہ ایجنسی نے کیا کیا جس کے شواہد مل رہے ہیں ۔

اُنہوں نے کہا کہ بے گناہ جانوں کو اِ س طرح قتل عام کرنا انسانی حقوق کی بدترین خلاف ورزی ہے ، اقوام متحدہ کو فوری طو ر پر بھارت کے خلاف مقدمہ درج کرکے عالمی پابندی لگائی جائے ۔اُنہوں نے کہا کہ پہلے جب میاں نواز شریف پر عدالت عالیہ کی جانب سے شدید دبائو پڑجاتا تھا تو بھارت لائن آف کنٹرول پر سول آبادی کو نشانہ بناکر درجنوں افراد کو موت کی گھاٹ اتار دیا ،اب جب احتساب بیورو کی جانب سے نواز شریف کو سزا سنانااور ملک واپسی پر گرفتاری کے وقت خودکش دھماکے اِس بات کی نشاندہی دیتے ہیں کہ بھارت کسی صورت میں میاں نواز شریف کو اکیلا نہیں چھوڑتے ،یہی وجہ ہے کہ گزشتہ روز پشاور میں ہارون بلور کو خودکش دھماکا کرکے شہید کردیا گیا جبکہ بنو،خیبرپختون میں اکرم خان درانی اور بلوچستان کے علاقے مستونگ میں نواب سراج رئیسانی کو بھی خودکش دھماکے میں شہید کیا گیا جس میں 130سے زائد افراد جاں بحق ہوئے جبکہ200سے زائد افراد زخمی ! بھارت کو پاکستانیوں کے خون سے ہولی نہیں کھیلنے دیں گے ،اینٹ کا جواب پتھر سے دینے کا وقت اب آگیا ہے پوری قوم پاک فوج کے شانہ بشانہ کھڑی ہے ۔

اُنہوں نے کہا کہ اقوام متحدہ کو فور ی طور پر بھارت کو عالمی قانون کی خلاف ورزی کرنے سے روکے اور عالمی عدالت انصاف میں باقاعدہ مقدمہ درج کرے ۔آخر میں میر محمد یونس نے گزشتہ خودکش دھماکوں میں شہید ہونے والوں کیلئے دعائے مغفرت مانگی جبکہ زخمیوں کیلئے دعائے صحت۔

Your Thoughts and Comments