کراچی ،گلشن معمار میں رینجرز کی کارروائی ،

4دہشت گرد گرفتار ،ایک عمارت سے گرکر ہلاک ہلاک اور گرفتار دہشتگروں کا تعلق کالعدم تنظیم تحریک طالبان پاکستان سے ہے، ملزمان سے پستول میگزین اور 25 رانڈ برآمد ہوئے،ترجمان رینجرز

ہفتہ 14 جولائی 2018 16:49

کراچی ،گلشن معمار میں رینجرز کی کارروائی ،

کراچی (اُردو پوائنٹ اخبارتازہ ترین - این این آئی۔ 14 جولائی2018ء) گلشن معمار سلفیہ کالونی میں کالعدم تنظیم سے تعلق رکھنے والے 4 دہشت گردوں کو رینجرز نے گرفتار کرلیا جب کہ ایک عمارت سے گر کر ہلاک ہو گیا۔

(جاری ہے)

تفصیلات کے مطابق گلشن معمار سلفیہ کالونی میں کالعدم تنظیم سے تعلق رکھنے والے دہشت گردوں کی موجود گی کی اطلاع پرسندھ رینجرز اور اے وی سی سی پولیس نے چھاپہ مارا، ایک دہشت گرد مشرف محسود عرف سیف اللہ نے دوسری منزل کی چھت پرچھلانگ لگادی جس کے نتیجے میں وہ گر کر شدید زخمی ہو گیا اور اسپتال میں جاکردم توڑ گیا، چھاپے کے دوران ہلاک دہشت گرد کے 4 ساتھیوں احمد نواز محمد عزیز، محمد زعفران اور محمد نور کو حراست میں لے کر قبضے سے 3 کلو بارودی مواد، 2 دستی بم، پرائمر اور 2 رول ڈیٹونیٹنگ تار بھی برآمد کر لیے۔

ترجمان سندھ رینجرز کے مطابق ہلاک اور گرفتار دہشتگروں کا تعلق کالعدم تنظیم تحریک طالبان پاکستان سے ہے، ہلاک دہشتگرد کے قبضے سے پستول میگزین اور 25 رانڈ برآمد ہوئے، دہشت گردوںکو پولیس کے حوالے کر دیا گیا، ترجمان سندھ رینجرز نے عوام سے اپیل کی ہے کہ وہ مشکوک افراد کی اطلاع رینجرز ہیلپ لائن1101 ، رینجرز مدد گار واٹس ایپ نمبر 03162369996 پر کال یا ایس ایم ایس کے ذریعے دیں۔

Facebook Twitter Google + Share on Whatsapp

کراچی ،گلشن معمار میں رینجرز کی کارروائی ،

متعلقہ عنوان :

مزید اہم خبریں