غربت کا خاتمہ تمام اہم سیاسی جماعتوںکے منشورکا اہم حصہ اوراولین ترجیح ہے۔صدر فیصل آباد چیمبر

اتوار 15 جولائی 2018 23:30

فیصل آباد ۔15جولائی(اُردو پوائنٹ اخبارتازہ ترین - اے پی پی۔ 15 جولائی2018ء) غربت کا خاتمہ تمام اہم سیاسی جماعتوںکے منشورکا اہم حصہ اوراولین ترجیح ہے۔ لہٰذاپنجاب میںاس پرعمل درآمد کیلئے نگران حکومت کورعائتی نرخوںپرآٹے کی فراہمی کا سلسلہ سال بھرجاری رکھنا چاہئے جہاںگندم کے زائدذخائرموجودہیں۔یہ بات فیصل آبادچیمبرآف کامرس اینڈانڈسٹری کے صدرشبیرحسین چاولہ نے ایگزیکٹوکمیٹی کے اجلاس سے خطاب کرتے ہوئے کہی۔

انہوں نے بتایا کہ حکومت نے گندم کے حاصل سٹاک کو1300روپے من کی بجائے 800روپے کے حساب سے برآمدکرنے کی اجازت دی تھی۔

(جاری ہے)

اسطرح جہاںکھلے میںسٹاک کی جانے والی گندم کو ٹھکانے لگایا جا سکا وہاںاس سے قیمتی زرمبادلہ بھی حاصل ہوا۔مزیدبرآں اسی وجہ سے رمضان کے دوران لوگوںکوآٹے پرسبسڈی بھی دی گئی۔انہوں نے کہا کہ اس وقت بھی پنجاب میںگندم ضرورت سے زائدموجودہے۔

اس لئے اس صوبے کے عوام کوسستے نرخوںپرآٹا مہیا کیا جانا چاہئے۔انہوںنے بتایا کہ اس وقت فلورملوںکیلئے کھلی مارکیٹ سے گندم خریدنا مشکل ہے لہذاانکا کوٹہ بحال کرنے کے علاوہ انہیںسبسڈی پرگندم دی جائے تاکہ وہ لوگوںکوسستا آٹا مہیا کرسکیں۔انہوں نے مزیدکہا کہ اس سے صوبے میںفلورملوںکو بحران سے نکالنے میںبھی مددملے گی۔