فلم ’’طیفا ان ٹربل‘‘ کی ہیروئن مایا علی اداکار علی ظفر کی حمایت میں بول پڑیں

ڈیڑھ برس سے فلم میں علی ظفر کے ساتھ کام کر رہی ہوں میرے نوٹس میں کوئی بات نہیں آئی

پیر 16 جولائی 2018 12:12

فلم ’’طیفا ان ٹربل‘‘ کی ہیروئن مایا علی اداکار علی ظفر کی حمایت میں ..

لاہور (اُردو پوائنٹ اخبارتازہ ترین - این این آئی۔ 16 جولائی2018ء) فلم ’’طیفا ان ٹربل‘‘ کی ہیروئن مایا علی کا کہنا ہے کہ جب تک کہانی کے دونوں رخ نظر نہ آئیں، تب تک فیصلہ نہ سنائیں۔ مدمقابل علی ظفر کے ساتھ فلم میں کام کرنے کا تجربہ زبردست رہا۔

(جاری ہے)

اداکارہ مایا علی نے فلم ’’طیفا اِن ٹربل‘‘ میں مرکزی کردار نبھایا، میشا شفیع کے معاملے پر فلم میں اپنے ساتھی اداکار علی ظفر کی حمایت میں بول پڑیں۔

برطانوی نشریاتی ادارے سے بات چیت کرتے ہوئے مایا علی نے کہا کہ لوگ بہت جلد نتیجہ اخذ کر لیتے ہیں۔ وہ تمام حقائق جانے بغیر ہی فیصلہ سنا دیتے ہیں۔علی ظفر کے بارے میں انہوں نے کہا کہ وہ ڈیڑھ برس سے فلم ’’طیفا اِن ٹربل‘‘ میں ان کے ساتھ کام کر رہی ہیں۔ ان کے نوٹس میں کوئی ایسی بات نہیں آئی۔ علی ظفر کے ساتھ فلم میں کام کرنے کا تجربہ زبردست رہا۔