طالبان کا پولیس چیک پوسٹ پر حملہ ‘

سات پولیس اہلکاروں جاں بحق‘جوابی کارروائی میں پانچ طالبان بھی مارے گئے

پیر 16 جولائی 2018 12:20

کوہاٹ/جلال آباد(اُردو پوائنٹ اخبارتازہ ترین - این این آئی۔ 16 جولائی2018ء) افغانستان کے صوبہ ننگرہار میں طالبان نے پولیس چیک پوسٹ پر حملہ کرکے سات پولیس اہلکاروں کوماردیا جبکہ جوابی کاروائی میں پانچ طالبان بھی مارے گئے۔ اطلاعات کے مطابق صوبہ ننگرہار کے ضلع غنی خیل کے علاقہ فراش میں طالبان حملہ آوروں نے پولیس چیک پوسٹ پر دھاوا بول کر افغان پولیس کے سات اہلکاروں کوموت کے گھاٹ اٴْتاردیا۔

(جاری ہے)

افغان میڈیا کے مطابق صوبائی گورنر کے ترجمان عطاء اللہ خوگیانی نے واقعہ کی تصدیق کردی ہے جبکہ پولیس کے صوبائی سربراہ غلام ستانکزئی نے دعویٰ کیا ہے کہ سیکیورٹی فورسز نے جوابی کاروائی کرتے ہوئے پانچ طالبان حملہ آوروں کو ہلاک کردیا۔ادھرافغان آرمی کے ظفرکور کی جانب سے جاری بیان کے مطابق مغربی صوبہ فراہ کے ضلع شیب کوہ کی حدود میں ایک جھڑپ کے دوران چھ طالبان اور دو فوجی ہلاک ہوگئے۔