پاکستان کا بجٹ بہت زیادہ دبائوکا شکار ہے،ڈاکٹر شمشاد اختر

سیلاب سمیت دیگر آفات سے نمٹنے اداروں میں موثر رابطے ضروری ہیں،وفاقی وزیر خزانہ کا تقریب سے خطاب

پیر 16 جولائی 2018 15:56

پاکستان کا بجٹ بہت زیادہ دبائوکا شکار ہے،ڈاکٹر شمشاد اختر

اسلام آباد (اُردو پوائنٹ اخبارتازہ ترین - این این آئی۔ 16 جولائی2018ء) نگراں وفاقی وزیر خزانہ ڈاکٹر شمشاد اختر نے کہا ہے کہ پاکستان کا بجٹ بہت زیادہ دبائوکا شکار ہے اور یہ قدرتی آفات سے پیدا ہونے والے نقصانات اور جھٹکو ں کو برداشت نہیں کر سکتا ۔

(جاری ہے)

اسلام آباد میں نیشنل ڈایزاسٹر رسک مینیجمنٹ فنڈ کے اجراکی تقریب سے خطاب کرتے ہوئے وفاقی وزیر خزانہ ڈاکٹر شمشاد اختر نے کہا کہ ایشیائی ترقیاتی بینک کی 20کروڑ ڈالر کی معاونت سے فنڈ قائم کر دیا ہے، بینک آئندہ 12 سالوں میں مزید ایک ارب ڈالر فراہم کریگا۔

وفاقی وزیر نے دیگر عالمی مالیاتی اداروں کو بھی دعوت دی کہ وہ اس فنڈ میں سرمایہ کاری کریں، وزیر خزانہ نے کہا کہ وہ کچھ ہفتوں سے بطور وزیر خزانہ کام کر رہی ہیں بجٹ پر بہت دباوئو میں ہیں ۔انہوں نے کہا کہ سیلاب سمیت دیگر آفات سے نمٹنے اداروں میں موثر رابطے ضروری ہیں، تقریب سے خطاب میں ایشیائی ترقیاتی بینک کی کنٹری ڈائریکٹر نے کہا کہ پاکستان میں سیلاب کے نقصانات سے سالانہ نقصانات جی ڈی کے 0.8فیصد کے برابر ہیں۔