علامہ صادق نقوی کی زیر صدارت شیعہ علماء کونسل آزادکشمیر کا اجلاس‘ انتخابات سمیت اہم امور پر غور

منگل 17 جولائی 2018 15:59

مظفرآباد(اُردو پوائنٹ اخبارتازہ ترین - آئی این پی۔ 17 جولائی2018ء) شیعہ علماء کونسل آزادکشمیر کا اہم اجلاس ‘ پاکستا ن کے عام انتخابات کے حوالے سے غور وغوض کیا گیا۔ اجلاس گزشتہ روز صدر شیعہ علماء کونسل علامہ سید صادق حسین نقوی کی زیرصدارت منعقد ہو ا۔ اجلاس میں نائب صدر حافظ سید کفایت حسین نقوی‘ ڈویژنل صدر مولانا معصوم سبزواری ‘ انچارج سیاسی امور سید عارف حسین نقوی‘ نومنتخب صدر تحصیل مظفرآبادمولانا مولانا عارف حسین عرفانی ‘ تحصیل جنرل سیکرٹری سید حسن شاہ سمیت ڈویژنل ‘تحصیل مظفرآباد اور تحصیل پٹہکہ کے تنظیمی افراد نے شرکت کی۔

(جاری ہے)

اجلاس میں تحصیل نصیر آباد پٹہکہ کیلئے سید خلیل نقوی کو صدر منتخب کیا گیا ۔ اجلاس میں یہ فیصلہ کیاگیاکہ پاکستان میں مقیم کشمیری مہاجرین سے تعلق رکھنے والے افراد جو تحریک اسلامی یا شیعہ علماء کونسل کیساتھ وابسطہ ہیں قائد ملت جعفریہ علامہ سید ساجد علی نقوی کے حکم پر آئندہ عام انتخابات میں متحدہ مجلس عمل کے امیدواروں کے حق میں اپنا حق رائے دیہی استعمال کرینگے۔ اجلاس کے آخر میں سانحہ مستونگ میں شہید ہونیوالے افراد کیلئے فاتحہ خوانی ‘زخمیوں کی جلد صحت یابی کیلئے دعا کی اور لواحقین سے دلی ہمدردی اور تعزیت کا اظہارکیا گیا۔