عالمی کپ کے دوران روس پر کروڑوں سائبر حملے ہوئے،پوری طاقت سے جواب دیا،صدرپوتین

منگل 17 جولائی 2018 16:30

ماسکو(اُردو پوائنٹ اخبارتازہ ترین - آئی این پی۔ 17 جولائی2018ء) روس کے صدر ولادی میر پوتین نے کہاہے کہ فٹبال عالمی کپ کی میزبانی کے دوران ان کے ملک کو تقریبا 2.5 کروڑ سائبر حملوں کا نشانہ بنایا گیا۔میڈیارپورٹس کے مطابق پوتین نے ان حملوں کے ذریعے کے بارے میں نہیں بتایا اور نہ یہ کہ آیا ان کارروائیوں کے پیچھے افراد کا ہاتھ تھا یا پروگرامز کا۔

(جاری ہے)

روسی صدر نے ان سائبر حملوں کی نوعیت کے بارے میں کسی معلومات کا انکشاف نہیں کیا جو ان کے مطابق عالمی کپ کے میچوں کے دوران واقع ہوئے۔واضح ہے کہ فٹبال عالمی کپ کا انعقاد 14 جون سے 15 جولائی تک روس کے 11 شہروں کے 12 اسٹیڈیمز میں ہوا۔پوتین نے زور دے کر کہا کہ اس کامیابی کے پیچھے زبردست طریقے سے ہائی الرٹ رہنے، آپریشن، تجزیے اور آگاہی کا بڑا ہاتھ ہے۔ ہم نے اپنی پوری طاقت کا استعمال کیا۔