سابق کپتان قومی کرکٹ ٹیم شاہد آفریدی کی سراوان ہاوس آمد

،سراج رئیسانی شہید کے اہلخانہ سے افسوس کا اظہار

منگل 17 جولائی 2018 17:36

سابق کپتان قومی کرکٹ ٹیم شاہد آفریدی کی سراوان ہاوس آمد

کوئٹہ (اُردو پوائنٹ اخبارتازہ ترین - این این آئی۔ 17 جولائی2018ء) قومی کرکٹ ٹیم کے سابق کپتان شاہد خان آفریدی کی سراوان ہاوس آمد نوابزادہ سراج خان رئیسانی شہید کے اہلخانہ سے افسوس کا اظہار تفصیلات کے مطابق قومی کرکٹ ٹیم کیسابق کپتان شاہد آفریدی منگل کے روز کوئٹہ پہنچے شاہد آفریدی سراوان ہاوس گئے جہاں انہوں نے نواب اسلم رئیسانی ,نوابزادہ حاجی لشکری رئیسانی اور میر جمال رئیسانی سے نوابزادہ سراج خان رئیسانی کی شہادت پر افسوس کا اظہار کیا اور انکے درجات کی بلندی کے لئے فاتحہ خوانی کی , شاہد آفریدی سی ایم ایچ کوئٹہ گئے جہاں انہوں نے مستونگ دھماکے کے زخمیوں کی عیادت کی, اس موقع پر گفتگو کرتے ہوئے شاہد آفریدی کا کہنا تھا کہ سانحہ مستونگ نے پوری قوم کو سوگوار کردیا،نوابزادہ سراج خان رئیسانی سمیت مستونگ دھماکے کے شہداء کے غم میں شریک ہیں ،دھماکے کے زخمیوں کی جلد صحت یابی کے لئے دعا گو ہوں اور ہر ممکن تعاون فراہم کرنے کے لیے تیار ہوں ۔