کلر سیداںفلاحی ادارے سویرا سکل سنٹر میں سالانہ تقریب تقسیم انعامات

بدھ 18 جولائی 2018 16:15

کلر سیداں ۔ (اُردو پوائنٹ اخبارتازہ ترین - اے پی پی۔ 18 جولائی2018ء) سعیدہ وارثی کے خواتین کے لیے بنائے گئے فلاحی ادارے سویرا سکل سنٹر میں سالانہ تقریب تقسیم انعامات ہوئی، کنٹری ڈائریکٹر میڈم نصرت مبشر نے مختلف سنٹر میں پہلی ، دوسری اور تیسری پوزیشن ہولڈرزطالبات میں سلائی مشینیں تقسیم کیں، تفصیلات کے مطابق سویرا سکل سنٹر بیول میں سالانہ تقریب تقسیم انعامات منعقد ہوئی جس میں کلر سیداں، چوآخالصہ ، میرا شمس اور بیول سنٹر زکی بچیوں نے شرکت کی ، تقریب کا آغاز تلاوت کلام پاک سے کیا گیا میڈم نصرت مبشر نے نئی آنے والی طالبات کو ویلکم کہا اور کورس مکمل کر کے جانے والی طالبات کے لیے نیک خواہشات کا اظہار کیا اٴْنہوں نے کہا کہ سویرا سکل سنٹر کا مقصد بے سہارا اور بے بس خواتین کو ہنرسکھا کر اس قابل بنانا ہے کہ وہ اپنے پاؤں پر کھڑی ہو سکیں اپنے اور اپنی فیملی کے لیے باعزت کاروبار کر کے اٴْن کی کفالت کر سکیں سویرا سکل سنٹرکا قیام 2001(سن دو ہزار ایک)میں عمل میں لایا گیا اور گزشتہ سترہ سال میں سویرا سکل سنٹر نے پندرہ ہزار بچیوں کو ہنر سکھایا تقریب کے اختتام پر میڈم نصرت مبشر نے پہلی ، دوسری اور تیسری پوزیشن حاصل کرنے والی بچیوں میں سلائی مشینیں بطور انعام تقسیم کیں۔