بلاول بھٹو زرداری کااپنے چھوٹے ماموں شاہ نواز بھٹو کی 33 ویں برسی کے موقع پر سوشل میڈیا پر پیغام

بدھ 18 جولائی 2018 18:25

اسلام آباد ۔ (اُردو پوائنٹ اخبارتازہ ترین - اے پی پی۔ 18 جولائی2018ء) پاکستان پیپلز پارٹی کے چیئرمین بلاول بھٹو زرداری نے اپنے چھوٹے ماموں شاہ نواز بھٹو کی 33 ویں برسی کے موقع پر سوشل میڈیا پر پیغام جاری کیا ہے۔ پاکستان پیپلز پارٹی کے بانی اور سابق وزیراعظم ذوالفقار علی بھٹو کے چھوٹے صاحبزادے شاہ نواز بھٹو 18 جولائی 1985ء کو پراسرار طور پر فرانس میں اپنے فلیٹ میں مردہ پائے گئے تھے، اس وقت ان کی عمر 27 سال تھی۔

(جاری ہے)

شاہ نواز بھٹو کی اچانک موت 4 اپریل 1979ء میں ذوالفقار علی بھٹو کی عدالتی حکم پر دی جانے والی پھانسی کے بعد بھٹو خاندان کیلئے بڑا سانحہ ثابت ہوئی تھی۔ شاہ نواز اپنی والدہ بیگم نصرت بھٹو اور ہمشیرہ محترمہ بے نظیر بھٹو کے بہت قریب تھے۔ جس وقت یہ واقعہ پیش آیا بیگم نصرت بھٹو اپنے خاندان کے ہمراہ تعطیلات منانے کیلئے جنوبی فرانس میں ہی تھیں۔ بلاول بھٹو زرداری نے اپنے ماموں کی یاد تازہ کرتے ہوئے سماجی رابطہ ویب سائٹ پر پیغام جاری کرتے ہوئے شاہ نواز بھٹو کو خراج عیقدت پیش کیا ہے۔ انہوں نے اپنے ٹوئٹ میں حبیب جالب کا شعر بھی لکھا جو کچھ یوں ہے، ’’ورثے میں ہمیں یہ غم ہے ملا……اس غم کو نیا کیا لکھنا‘‘۔