عابد شیر علی نے ڈیڑھ کروڑ روپے کا خرچہ کروایا مگر ٹکٹ نہ ملا ‘عشرت بھلڑ کا چیف آرگنائزر کے عہدے سے استعفیٰ

بدھ 18 جولائی 2018 18:37

لاہور (اُردو پوائنٹ اخبارتازہ ترین - این این آئی۔ 18 جولائی2018ء) مسلم لیگ (ن) کے چیف آرگنائزر عشرت بھلڑ نے استعفیٰ دینے کا اعلان کرتے ہوئے الزام عائد کیا ہے کہ عابد شیر علی نے میرا ڈیڑھ کروڑ روپے کا خرچہ کروایا لیکن ٹکٹ نہ ملا ، شریف برادران سے اپیل کرتا ہوں کہ میری رقم واپس لیکر دیں ۔

(جاری ہے)

انہوں نے پریس کانفرنس کرتے ہوئے کہا کہ میں چیف آرگنائزر کی سیٹ سے استعفیٰ دینے کا اعلان کرتا ہوں ،حافظ منیر کو میں نے بتیس لاکھ کی گاڑی لیکر دی ،حافظ جمیل نے کہا ہے تیس لاکھ کا چیک عابد شیر علی کو دے دیں وہ حمزہ شہباز سے آپکو صوبائی ٹکٹ لیکر دے دیں گے مگر ٹکٹ نہ ملا ۔

انہوں نے کہا کہ میرا ڈیڑھ کروڑ کا خرچہ کروایا لیکن ٹکٹ نہیں لیکر دیا ،گاڑی آج بھی انکی بیگم کے نام پر ہے ، شریف برادران سے اپیل کرتا ہوں کہ میری رقم لیکر دیں ۔انہوں نے کہا کہ دو لاکھ روپے نواز شریف ریلی کے لیے بھی لیے،پی پی 172رائیونڈ سے ٹکٹ لیکر دینے کا وعدہ کیا گیا تھا۔