پاکستان نے ون ڈے میچ میں گیندوں کے اعتبار سے بڑی فتح کا اپنا 28سالہ سابقہ ریکارڈ توڑ دیا

بدھ 18 جولائی 2018 19:27

بلاوایو(اُردو پوائنٹ اخبارتازہ ترین - آئی این پی۔ 18 جولائی2018ء) پاکستانی ٹیم نے ون ڈے انٹرنیشنل کرکٹ کی تاریخ میں میچ میں گیندوں کے اعتبار سے بڑی فتح کا نیا ملکی ریکارڈ اپنے نام کر لیا، گرین شرٹس نے زمبابوے کے خلاف تیسرے ون ڈے میں 241 گیندیں قبل فتح حاصل کر کے یہ سنگ میل عبور کیا، گرین شرٹس نے اپنا 28 سالہ پرانا ریکارڈ توڑا ہے، پاکستانی ٹیم نے 1990 میں نیوزی لینڈ کے خلاف ون ڈے میچ میں 206 گیندیں قبل ہدف حاصل کر کے ملکی ریکارڈ قائم کیا تھا۔

(جاری ہے)

ایک روزہ کرکٹ کی تاریخ میں گیندوں کے اعتبار سے بڑی فتح کا عالمی اعزاز انگلینڈ کے پاس ہے، انگلش ٹیم نے 1979 میں کینیڈا کے خلاف 277 گیندیں قبل میچ جیت کر تاریخ رقم کی تھی۔