فرنس آئل کی قیمت میں 1334 روپے فی ٹن کا اضافہ

بدھ 18 جولائی 2018 19:43

کراچی(اُردو پوائنٹ اخبارتازہ ترین - آئی این پی۔ 18 جولائی2018ء) بجلی کی پیداوار میں استعمال ہونے والا ایندھن مزید مہنگا ہوگیا ہے، فرنس آئل کی قیمت 77 ہزار 442 روپے فی ٹن تک پہنچ گئی ہے۔

(جاری ہے)

رپو رٹ کے مطا بقعالمی مارکیٹ میں خام تیل کی قیمت میں اضافے کے سبب بجلی پیدا کرنے والے ایندھن کے دام بھی بڑھ رہے ہیں، مالی سال 18-2017 میں فرنس آئل کی قیمت میں 31871 روپے فی ٹن کا اضافہ ہو، اب فرنس آئل کی قیمت میں مزید 1334 روپے فی ٹن کا اضافہ ہوگیا جس کے بعد فرنس آئل کی قیمت 77 ہزار 442 روپے فی ٹن تک پہنچ گئی ہے۔

ماہرین کے مطابق فرنس آئل کی قیمت میں ہونے والے حالیہ اضافے پر نیپرا آئندہ آنے والے مہینوں میں فیول ایڈجسٹمنٹ کی مد میں بجلی کی قیمت کچھ حد تک بڑھا کرسکتی ہے ،و اضح رہے کہ گزشتہ کئی عرصے سے صنعتکار پیداواری لاگت میں اضافے کے حوالے سے کافی پریشان ہیں، جس کے باعث پاکستانی مصنوعات قیمت میں دیگر ممالک سے مسابقت پیدا نہیں کر پا رہیں۔ ایسی صورتحال میں بجلی کی قیمت میں مزید اضافہ ہوا تو صنعتکاروں کی پریشانی اور بڑھ جائے گی

Facebook Twitter Google + Share on Whatsapp

فرنس آئل کی قیمت میں 1334 روپے فی ٹن کا اضافہ

متعلقہ عنوان :

مزید تجارتی خبریں