جلسے کی ناکامی کے باوجود جلسہ گاہ کی شرکا ء سے بھری تصویرسوشل میڈیا پر پوسٹ کرنے اور''جہلم کپتان کا '' کا عنوان دینے پر صارفین نے فواد چوہدری کو آڑے ہاتھوں لے لیا

کوئی شرم ہوتی ہے کو ئی حیاء ،جھوٹے انسان، صارفین کے کمنٹس

بدھ 18 جولائی 2018 21:29

جلسے کی ناکامی کے باوجود جلسہ گاہ کی شرکا ء سے بھری تصویرسوشل میڈیا ..

جہلم (اُردو پوائنٹ اخبارتازہ ترین - آئی این پی۔ 18 جولائی2018ء) تحریک انصاف کے جہلم میں ناکام جلسے کو ''جہلم کپتان کا '' قرار دینے اور اس حوالے سے پر سوشل میڈیا پر جلسے کی کامیابی کا غلط تاثر دینے کی تصویر پوسٹ کرنے پر صارفین نے پی ٹی آئی ترجمان اور جہلم سے قومی اسمبلی کے امیدوار فواد چوہدری کو آڑے ہاتھوں لے لیا۔بدھ کو تحریک انصاف کے چیئرمین عمران خان نے جہلم میں جلسے سے خطاب کیا ۔

(جاری ہے)

پی ٹی آئی چیئرمین کے جلسے میں پنڈال میں رکھی گئیں کثیرکرسیاں خالی تھیں جس کو میڈیا پر بھی دکھایا گیا۔جلسے سے اختتام پر تحریک انصاف کے جہلم سے قومی اسمبلی کے امیدوار فواد چوہدری نے سوشل میڈیا کی ویب سائٹ ٹوئٹر پر جلسہ گاہ میں سٹیج کے سامنے کھڑے لوگوں کی تصویر شیئر کی اور لکھا کہ جہلم کپتان کا۔

جس پر سوشل میڈیا صارفین نے انکو آڑے ہاتھوں لیا۔صارف اے جے نے لکھا کہ جب پنجابیوں کو گدھا کہو گے تو وہ کیوں آئیں گے،ایک اور صارف نے لکھا کہ کوئی شرم ہوتی ہے کو ئی حیاء ،جھوٹے انسان۔