پشاور میں40 ارب کا فراڈ ہوا ، نیب کہاں ہے؟ شہبازشریف
پشاورمیٹروکا ٹھیکہ بلیک لسٹ کمپنی کودیا گیا،پشاورہائیکورٹ نے فیصلہ دیکرقوم پراحسان کیا،عمران خان نیب کا لاڈلا ہے،مگر اس ملک میں لاڈلوں کی نہیں خادم کی گنجائش ہے،جھوٹے خان کے جلسوں کی طرح اس کادماغ بھی خالی ہے،اٹک کے عوام سے وعدہ ہے اقتدارمیں آکر سوئی گیس، مغربی کوریڈورسے لاکھوں نوجوانوں کوروزگاراوراٹک میں ٹیکنیکل یونیورسٹی بناؤں گا۔ اٹک میں عوامی جلسہ سے خطاب
ثنااللہ ناگرہ جمعرات 19 جولائی 2018 20:06
(جاری ہے)
2013ء کا وہ وقت یاد کروجب 20،20گھنٹے لوڈشیڈنگ ہوتی تھی بجلی جاتی توآتی نہیں تھی۔ آج صنعتیں ، زراعت سب چل پڑا ہے۔
اس کا سہرا نوازشریف کے سرجاتا ہے۔یاد کرو جب نوازشریف نے بھارت کے مقابلے میں دھماکے کیے۔ بل کلنٹن نے کہا کہ بھارت نے یہ کرلیا لیکن تم میرے دوست ہو۔میں تمہیں 5ارب ڈالر امداد دے دیتا ہوں۔ اگر آپ نے دھماکے کیے توپھر تمام فنڈز ختم کردیں گے ۔ لیکن نوازشریف نے کہا کہ آپ کا بہت شکریہ میں 6دھماکے کرکے پاکستان کوایٹمی طاقت بناؤں گا۔کیونکہ مجھے اللہ اور عوام کوجواب دینا ہے۔انہوں نے کہا کہ سی پیک پاکستان آیا ہے مغربی روٹ یہاں سے گزر رہا ہے۔ اس سے ترقی اور خوشحالی کادور آئے گا۔نوازشریف یہ سب لے کرآیا ہے۔جب حکومت سے گئے ڈالر 100روپے کا تھا آج 128روپے کا ہوگیا ہے۔دانش سکول اور اسپتال بنائے،موٹرویز کا جال بچھایا، فری دوائیاں علاج، سستی بجلی نوازشریف کے دور میں ہوئی ہے۔ کسانوں کوسہولتیں ملیں۔11ہزار میگاواٹ بجلی بنائی۔ کیا یہ نوازشریف نے جرم کیے ہیں۔جبکہ عمران خان نے جھوٹے خان نے کے پی کوتباہ کردیا ہے۔ شہبازشریف نے کہا کہ پشاور کا فیصلہ آیا ہے یہ کہتا تھا کہ میٹرو30نہیں 70ارب کی بنی ہے۔ میں کہتا تھا کہ یہ جھوٹ بول رہا ہے۔ اس نے کہا تھا کہ میں یونیورسٹیاں بناؤں گا۔ اس نے وہاں کچھ نہیں بنایا۔ہائیکورٹ نے کہا کہ میٹروبس پشاور کا منصوبہ 68ارب تک پہنچ گیا ہے۔لاہور سے 38ارب روپے زیادہ ہے ۔انہوں نے کہاکہ جس طرح عمران خان کادماغ خالی اس طرح جلسہ خالی ہوتا ہے۔آؤ یہاں دیکھو عوام کا سمندر ہے دیکھو پنجاب کے عوام نوازشریف اور ان کی بیٹی کے ساتھ کس قدر محبت کرتے ہیں۔عوام نے موقع دیا توپاکستان کوترکی اور ملائشیا بنا کرچھوڑوں گا۔انہوں نے کہا کہ ووٹ کی بھیک مانگنے آیا ہوں ۔25جولائی کوشیر کادن ہے۔اگر نوازشریف اور اس خادم نے پچھلے پانچ سال میں خدمت کی ہے تواٹک کی تمام سیٹیوں پرجتوائیں گے توتین وعدے کرتا ہوں ۔ ہرگاؤں میں سوئی گیس، مغربی کوریڈور میں لاکھوں نوجوانوں روزگار کیلئے صنعت بنائیں گے،اٹک میں شاندار ٹیکنیکل یونیورسٹی بناکردوں گا۔مزید اہم خبریں
-
تحریک انصاف کا 9 مئی کو جلسہ عام کے انعقاد کا فیصلہ
-
کتنے لوگوں کے منہ بند کرلو گے؟ جب ظلم کے خلاف آواز اٹھتی ہے تو ظلم کا خاتمہ ہوتا ہے
-
عدلیہ میں مبینہ مداخلت کے خلاف سوموٹو پر سماعت کیلئے نیا بنچ تشکیل دے دیا گیا
-
نواز شریف عمران خان سے مذاکرات پر آمادہ ہیں، رانا ثنا اللہ
-
اولاد کی خوشی کیلئے اپنی بیوی پر سوتن لانے کا ظلم نہیں کرسکتا، شیر افضل مروت
-
سر دار ایاز صادق سے اراکین قومی اسمبلی کی ملاقات ،قائمہ کمیٹیوں کی تشکیل کے حوالے سے مشاورت
-
وفاقی وزیر عبدالعلیم خان سے برطانوی پولیٹکل قونصلر مس زوئی وئیر کی ملاقات ، دوطرفہ تعلقات پرگفتگو
-
یوسف رضا گیلانی کی زیرصدارت بزنس ایڈوائزی کمیٹی کا اجلاس ،سب کو ساتھ لیکر چلنے کا عزم
-
مریم نوازکے پولیس یونیفارم پہننے پر وہ ٹولہ تنقید کررہا جن کا اپنا لیڈراپنی ہی بیٹی کو تسلیم کرنے کو تیار نہیں‘عظمیٰ بخاری
-
مریم نواز کے بعد نوازشریف کی بھی پولیس وردی میں تصویر وائرل
-
وفاقی وزیراحسن اقبال کی زیر صدرات قومی کھیل کی بحالی کانفرنس، قومی کھیلوں اور ناروال سپورٹس کمپلیکس کے حوالے سے جائزہ اجلاس
-
سپیکر قومی اسمبلی سے اراکین کی ملاقات،قائمہ کمیٹیوں کی تشکیل پر تبادلہ خیال
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.