ْایفی ڈرین کوٹہ کیس، حنیف عباسی کے وکیل نے دلائل مکمل کرنے کے لئے مزید وقت مانگ لیا

ہفتہ 21 جولائی 2018 07:10

راولپنڈی ۔ 19 جولائی (اُردو پوائنٹ اخبارتازہ ترین - اے پی پی۔ 21 جولائی2018ء) انسداد منشیات کی عدالت میں ایفی ڈرین کوٹہ کیس میں سماعت آج مکمل کرلی جائے گی جبکہ کیس کا فیصلہ 21 جولائی کو سنایا جائے گا۔ جمعرات کو انسداد، منشیات کی خصوصی عدالت کے جج سردارمحمد اکرم نے کیس کی سماعت کی۔

(جاری ہے)

ہائی کورٹ راولپنڈی بینچ کے احکامات پر روزانہ کی بنیاد پرایفی ڈرین کوٹہ کیس کی سماعت چوتھے دن بھی جاری رہی۔

لیگی رہنما رہنما حنیف عباسی سمیت ضمانت پر رہا تمام ملزمان عدالت میں حاضر ہو ئے ۔ حنیف عباسی کے وکیل تنویر اقبال نے جمعرات کو اپنے دلائل جاری رکھے ۔حنیف عباسی کے وکیل تنویر اقبال نے انسداد منشیات کی خصوصی عدالت میں درخواست دائر کی ہے کہ21 جولائی تک ہم دلائل مکمل نہیں کر سکتے ہمیں مزید وقت دیا جائے، جس کے بعد سماعت جمعہ تک ملتوی کر دی گئی ہے۔