گزشتہ مالی سال 2017-18ء کے دوران غذائی مصنوعات کی قومی درآمدات میں 0.68 فیصد کا اضافہ

ہفتہ 21 جولائی 2018 12:33

اسلام آباد ۔ (اُردو پوائنٹ اخبارتازہ ترین - اے پی پی۔ 21 جولائی2018ء) گزشتہ مالی سال 2017-18ء کے دوران غذائی مصنوعات کی قومی درآمدات میں 0.68 فیصد کا اضافہ ہوا ہے۔

(جاری ہے)

ادارہ برائے شماریات پاکستان (پی بی ایس) کے اعدادوشمار کے مطابق گزشتہ مالی سال کے دوران کھانے پینے کی اشیاء کی درآمدات 6.185 ارب ڈالر تک پہنچ گئیں جبکہ مالی سال 2016-17ء کے دوران 6.173 ارب ڈالر کی درآمدات کی گئی تھیں۔ اقتصادی تجزیہ کاروں نے کہا ہے کہ غذائی مصنوعات کی درآمدات میں کمی کیلئے ہمیں ملک میں پیدا اور تیار کی جانے والی غذائی اجناس اور مصنوعات کے استعمال کو فروغ دینا چاہئے تاکہ قیمتی زر مبادلہ کی بچت کی جا سکے۔