ہاشم آملہ ٹیسٹ کرکٹ میں 9 ہزار رنز مکمل کرنے والے تیسرے جنوبی افریقن کھلاڑی بن گئے

ہفتہ 21 جولائی 2018 14:46

کولمبو ۔ (اُردو پوائنٹ اخبارتازہ ترین - اے پی پی۔ 21 جولائی2018ء) جنوبی افریقن ٹیم کے سٹار بلے باز ہاشم آملہ نے ٹیسٹ کرکٹ میں کیریئر کے 9 ہزار رنز مکمل کر لئے، وہ یہ اعزاز پانے والے جنوبی افریقہ کے تیسرے اور دنیا کے 15 ویں کھلاڑی بن گئے، انہوں نے سری لنکا کے خلاف جاری دوسرے ٹیسٹ میچ کی پہلی اننگز میں 19 رنز بنا کر 9 ہزار رنز کے ہندسے کو عبور کیا، انہوں نے 119 میچز کی 204 اننگز کھیل کر 9016 رنز بنا رکھے ہیں جس میں ان کی 28 شاندار سنچریاں اور 39 نصف سنچریاں شامل ہیں، جنوبی افریقہ کی طرف سے جیک کیلس 13289 رنز بنا کر سرفہرست ہیں، گریم سمتھ 9265 رنز بنا کر دوسرے نمبر پر موجود ہیں۔

(جاری ہے)