چاول کی ملکی برآمدات میں 2.58 فیصد اضافہ

ہفتہ 21 جولائی 2018 16:04

اسلام آباد(اُردو پوائنٹ اخبارتازہ ترین - آن لائن۔ 21 جولائی2018ء) گزشتہ ماہ جون کے دوران چاول کی ملکی برآمدات میں 2.58 فیصد کا اضافہ ہوا ہے۔ادارہ برائے شماریات پاکستان (پی بی ایس) کی جانب سے جاری کردہ تفصیلات میں بتایا گیا کہ گزشتہ ماہ جون 2018ء کے دوران چاول کی برآمدات 147.22 ملین ڈالر تک بڑھ گئیں جبکہ جون 2017ء کے دوران چاول کی قومی برآمدات کا حجم 143.52 ملین ڈالر رہا تھا۔

(جاری ہے)

اس طرح جون 2017ء کے مقابلہ میں جون 2018ء کے دوران چاول کی قومی برآمدات میں 3.70 ملین ڈالر یعنی 2.58 فیصد کا اضافہ ریکارڈ کیا گیا ہے۔