اسد عمر کی کارنر میٹنگ کے دوران فائرنگ کی گئی ،ْ پی ٹی آئی امیدوار محفوظ رہے

الیکشن کے موقع پرشر پسند عناصر سے سختی سے نمٹا جائیگا، فائرنگ کا مقصد خوف ہراس پھیلانا تھا

ہفتہ 21 جولائی 2018 18:09

اسد عمر کی کارنر میٹنگ کے دوران فائرنگ کی گئی ،ْ پی ٹی آئی امیدوار ..

اسلام آباد(اُردو پوائنٹ اخبارتازہ ترین - این این آئی۔ 21 جولائی2018ء) پاکستان تحریک انصاف کے رہنما اسد عمر کی کارنر میٹنگ کے دوران فائرنگ کی گئی تاہم پی ٹی آئی امیدوار محفوظ رہے ۔پولیس کے مطابق فائرنگ کا واقعہ اس وقت پیش آیا جب این اے 54 سے پی ٹی آئی کے امیدوار اسد عمر عدنان مارکیٹ میں کارنر میٹنگ سے خطاب کر رہے تھے تاہم واقعے میں پی ٹی آئی امیدوار محفوظ رہے۔

(جاری ہے)

پی ٹی آئی کے نائب صدر نے واقعہ کے بعد بتایا کہ اسد عمر سمیت پی ٹی آئی کے کارکنان محفوظ ہیں اور واقعہ میں کوئی زخمی نہیں ہوا ،ْ پی ٹی آئی کے کارکنان واقعہ کا مقدمہ تھانہ رمنا میں درج کرادیا۔ایس پی صدر زون ذیشان حیدر کا کہنا تھاکہ واقعہ کے بعد ملزمان کی گرفتاری کے لیے ناکہ بندی کردی ہے۔ایس پی نے کہا کہ الیکشن کے موقع پرشر پسند عناصر سے سختی سے نمٹا جائیگا، فائرنگ کا مقصد خوف ہراس پھیلانا تھا۔