پاکستان میں غیر جمہوری قوتوں نے ہمیشہ جمہوریت کو نقصان میں ڈالا،کس پارٹی کو کامیاب بنانا ہے اس کے فیصلے رات کی تاریکی میں ہوتے ہیں‘پاکستان میں کوئی بھی حکومت جمہوری طریقہ سے معرض وجود میں نہیں آئی

جموں وکشمیر لبریشن لیگ کے مرکزی چیف آرگنائزر محمد رمضان بٹ کی بات چیت

اتوار 22 جولائی 2018 16:20

مظفرآباد(اُردو پوائنٹ اخبارتازہ ترین - آئی این پی۔ 22 جولائی2018ء) جموں وکشمیر لبریشن لیگ کے مرکزی چیف آرگنائزر محمد رمضان بٹ نے کہا ہے کہ پاکستان میں غیر جمہوری قوتوں نے ہمیشہ جمہوریت کو نقصان میں ڈالا،کس پارٹی کو کامیاب بنانا ہے اس کے فیصلے رات کی تاریکی میں ہوتے ہیں۔پاکستان میں کوئی بھی حکومت جمہوری طریقہ سے معرض وجود میں نہیں آئی،پاکستان میں جو پارٹی برسراقتدار آتی ہے وہی پارٹی آزادکشمیر میں غیر جمہوری طورپر حکومت قائم کرتی ہے پاکستان سمیت آزادکشمیر بھر میں انتخابات کا ڈھونگ رچاکر من پسند حکومتیں قائم کی جاتی ہیں۔

(جاری ہے)

پاکستان کے مفاداتی حکمرانوں نے کے ایچ خورشید کو کامیاب نہیں ہونے دیا۔آزادکشمیر کے وظیفہ خور حکمران پاکستانی حکمرانوں کی مرہون منت ہیں،پاکستانی حکمرانوں کی آشیرباد کے بغیر کوئی بھی مائی کا لعل آزادکشمیر میں حکومت نہیں بناتا۔ہمارے پاس باجرات اور غیر مند قیادت ہے عبدالمجید ملک نے گلگت بلتستان کے حق میں فیصلے دے کر گلگت بلتستان کی آئینی حیثیت بحال کردی۔انہوں نے کہا کہ ہمارا مطالبہ ہے کہ مسئلہ کشمیر کے پرامن حل کے لیے دونوں ممالک کی افواج ریاست سے نکل جائیں امن افواج کے بغیر جموں وکشمیر کا فیصلہ ممکن نہیں۔