مسئلہ کشمیر پر جو نیا ارتعاش پیدا ہو رہا ہے اس سے کشمیریوں کو امید پیدا ہوئی ہے، راجہ فاروق حیدر
پاکستان میں سیاسی سیٹ اپ کو عوام کی خواہشات کے مطابق مکمل ہونے دیا جائے تاکہ نئی منتخب حکومت کشمیر پر پیشرفت کو مزید آگے بڑھا سکے سیاسی اور معاشی طور پر مضبوط پاکستان ہی کشمیریوں کا بہترین وکیل ثابت ہو سکتا ہے،سید علی رضا کو یورپی پارلیمینٹ میں کشمیر پر جاندار کام کرنے پر سراہتا ہوں،وزیر اعظم آزادکشمیر
اتوار 22 جولائی 2018 20:20
(جاری ہے)
وزیراعظم نے ان خیالات کا اظہار یورپی پارلیمینٹ میں کشمیر پر جاری ہونے والی نئی دستاویز پر اپنے ردعمل کا اظہار کرتے ہوے کیا۔
راجہ محمد فاروق حیدر خان نے کہا کہ یورپین پارلیمینٹ کی جانب سے کشمیر کے حوالے سے جاری ہونے والی رپورٹ ایک انتہائی مثبت پیشرفت ہے۔انہوں نے کہا کہ پہلے اقوام متحدہ کے انسانی حقوق کمیشن نے مقبوضہ کشمیر میں۔بھارتی فوج کے مظالم اور انسانی حقوق کی سنگین خلاف ورزیوں کو اجاگر کیا اور اب یورپی پارلیمینٹ نے ایک دستاویز کی شکل میں اس پر مہر تصدیق ثبت کی ہے۔انہوں نے کہا کہ حالیہ دونوں واقعات سے کشمیریوں کو ایک امید ہوئی ہے کہ یورپ اور اہل مغرب میں کشمیریوں کا مقدمہ اہمیت اختیار کر رہا ہے۔انہوں نے کہا ایسے وقت میں پاکستان میں ایک مضبوط سیاسی حکومت کی ضرورت ہے جو حالیہ پیشرفت کو آگے بڑھا سکے۔انہوں نے کہا کہ تنازعہ کشمیر پر یورپی پارلیمنٹ کی نئی تحقیقی دستاویز عالمی سطح پر ایک اہم پیشرفت ہے۔انھوں نے کہاکہ یہ دستاویزماریان لوکس سمیت ان یورپی شخصیات اور انسانی حقوق کی تنظیموں کی کامیابی ہے جو ایک عرصے سے مسئلہ کشمیر کو یورپ میں اجاگر کررہے ہیں۔ انہوں نے کہا کہ سید علی رضا اور ڈاکٹرسجاد حیدر کریم سمیت کئی اراکین یورپی پارلیمنٹ نے بھی مسئلہ کشمیر اور خصوصاً مقبوضہ کشمیر میں انسانی حقوق کو اجاگر کرنے میں ایک طویل عرصے سے اہم کردار ادا کیا ہے۔ انھوں نے کہاکہ یہ پرویز امروز سمیت مقبوضہ کشمیر میں انسانی حقوق کے لیے کام کرنی والی شخصیات کی بھی کامیابی ہیوزیراعظم آزادکشمیر نے مطالبہ کیا کہ مقبوضہ کشمیر میں انسانی حقوق کی پامالیوں میں ملوث افراد کو کڑی سے کڑی سزا دی جائے اور مسئلہ کشمیر کے منصفانہ حل کی راہ ہموار کی جائے۔انہوں نے عالمی برادری سے یہ مطالبہ بھی کیا کہ وہ اقوام متحدہ کی حالیہ رپورٹ اور یورپی پارلیمنٹ کی اس دستاویز کی روشنی میں مقبوضہ کشمیرمیں مداخلت کرے، وہاں مظالم رکوائے اور مسئلہ کشمیرکے پرامن حل کے لیے اپنا موثر کردار ادا کرے۔انہوں نے کہاکہ انسانی حقوق کی خلاف ورزیوں کی بین الاقوامی تحقیقات جموں و کشمیرکے لوگوں کا دیرینہ مطالبہ ہے اور اس پر بلاتاخیر عمل درا?مد ہونا چاہیے۔انہوں نے کشمیریوں کی شمولیت سے بامقصد مذاکرات کے ذریعے مسئلہ کشمیرکے سیاسی حل کی ضرورت پر بھی زور دیا۔یاد رہے کہ یورپین پارلیمینٹ نے ایک دستاویز کے ذریعے مقبوضہ کشمیرمیں انسانی حقوق کی پامالی کی نشاندہی کی ہے۔ یہ دستاویز یورپی پارلیمنٹ کی ریسرچ سروس نے پارلیمنٹ کے اراکین اور پارلیمنٹ کے حکام کے لیے جاری کی ہے۔ دستاویز میں انسانی حقوق کی پامالی کے بارے میں اقوام متحدہ کی حالیہ رپورٹ کا بھی بطور خاص تذکرہ کیاگیاہے۔ اس دستاویز میں مسئلہ کشمیر کی تاریخ، اقوام متحدہ کی قراردادوں اور کشمیرکے دونوں حصوں کو تقسیم کرنے والی کنٹرول لائن کا ذکر کیا گیا اوربھارتی حکمرانی کے خلاف کشمیریوں کی تحریک اور مقبوضہ کشمیر میں انسانی حقوق کی خلاف ورزیوں کو بھی بیان کیا گیا ہے۔ حالیہ دنوں اقوام متحدہ کے انسانی حقوق کے کمشنر نے بھی اپنی رپورٹ میں مقبوضہ کشمیرمیں انسانی حقوق کی خلاف ورزیوں کی بین الاقوامی تحقیقات کے لیے ایک انکواری کمیشن بنانے کی تجویز پیش کی تھی۔مزید قومی خبریں
-
صدرمملکت کے خطاب پر بحث کے حوالے سے ایوان کے اتفاق رائے سے امور طے کیے جائیں گے، سپیکرقومی اسمبلی
-
گرل فرینڈ کا برگر کھانے پر ایس ایس پی کے بیٹے نے جج کے بیٹے کو قتل کر دیا
-
پنجاب پولیس کو 1ارب 20کروڑ روپے کے فنڈز جاری
-
9 مئی: ڈاکٹر یاسمین راشد کی درخواست ضمانت پر سماعت 27 اپریل تک ملتوی
-
موسمیاتی تبدیلی کرہ ارض کا درپیش عظیم چیلنج ہے، صورتحال کی سنگینی کو سمجھنا ہوگا: بلیغ الرحمان
-
گرفتاری کاڈر:شیر افضل مروت نے اسلام آباد ہائی کورٹ سے حفاظتی ضمانت کیلئے رجوع کرلیا
-
فواد چوہدری کیخلاف مقدمات،سیکرٹری داخلہ کو توہین عدالت کی درخواست پر نوٹس
-
کے پی حکومت کا بیوٹی پارلرز کے بعد وکلا کو بھی فکسڈ ٹیکس نیٹ میں لانے کا فیصلہ
-
راولپنڈی، 7 سالہ لڑکی کی قابل اعتراض تصاویر اور ویڈیوز وائرل کرنے پر ملزم کو 3 سال قید اور 25 لاکھ روپے جرمانہ کی سزا
-
جاوید لطیف اور رانا تنویر کے درمیان اختلافات حلقے میں ٹکٹوں کی تقسیم تنازع قرار
-
محاز آرائی سے جمہوریت کمزور ہوگی،مولانا نام بتائیں اسمبلی کس نے بیچی،فیصل کریم کنڈی
-
وزیراعظم کے تاجروں سے خطاب کے دوران بھی بانی پی ٹی آئی عمران خان کا تذکرہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.