پیپلز پارٹی آئین کے تحفظ کے لئے ہر حد تک جائے گی‘عزیز الرحمن چن

پیر 23 جولائی 2018 17:32

لاہور (اُردو پوائنٹ اخبارتازہ ترین - این این آئی۔ 23 جولائی2018ء) پاکستان پیپلز پارٹی لاہور کے صدر حاجی عزیز الرحمن چن نے کہا ہے کہ پاکستان پیپلز پارٹی ہمیشہ آئین کے تقدس کو برقرار رکھنے کے لئے تمام تر توانائیں بروئے کار لائی اور آئندہ بھی آئین کے تقدس پر کوئی سمجھوتہ نہیں کیا جائے گا۔

(جاری ہے)

یہاں سے جاری ایک بیان میں انہوں نے کہا کہ پاکستان پیپلز پارٹی نے ملک کو متفقہ آئین دے کر عظیم کام سرانجام دیا جبکہ آج کچھ لوگ آئین کو اپنی پارٹی منشور کے مطابق بدلنا چاہتیں ہیں لیکن پیپلز پارٹی آئین کے تحفظ کے لئے ہر حد تک جائے گی۔

جن لوگوں نے آئین سے غداری کی وہ آج ملک بدر اور جیل کی سلاخوں کے پیچھے ہیں اس لئے آئندہ بھی جو بھی پارٹی حکومت میں آئے وہ ایسے اقدام سے گریز کرے جس سے آئین کی روح مسخ ہوتی ہو۔